Os deputados populares pedirán que o Goberno de España reactive de inmediato a construción da A-74, elaborando e facendo público unha cronoloxía dos prazos e investimentos concretos que dea unha data aproximada para a conclusión da mesma
Lugo, 20 de decembro de 2023. “A parálise das obras da autovía da Mariña, a A-74 é un exemplo máis do abandono do Goberno central, dende a chegada de Pedro Sánchez ao Goberno do Estado, coas infraestruturas na provincia de Lugo”. Así o puxeron de manifesto o portavoz do Grupo Provincial Popular, Antonio Ameijide, e os deputados da Mariña acompañados por alcaldes e portavoces da comarca.
Os deputados populares defenderán no pleno deste mes unha iniciativa para que a Deputación de Lugo inste ao Goberno de España a reactivar de inmediato a construción da A-74, elaborando e facendo público unha cronoloxía dos prazos e investimentos concretos que dea unha data aproximada para a conclusión da mesma.
“Deste xeito quedaría probado que a A-74 é unha prioridade para o Goberno central, como o é para todos os veciños da Mariña e da provincia, dando así o PSOE un dos moitos pasos que ten que dar para saldar a gran débeda que ten contraída coa provincia de Lugo en materia de infraestruturas”, explicou Antonio Ameijide.
O voceiro popular recorda que esta é “unha infraestrutura estratéxica” para Galicia porque supón a mellora das comunicacións nesta comarca constituíndo a alternativa á N-642 para o tráfico de longo percorrido e tamén a mellora da súa conexión co resto da provincia e as comunidades autónomas do norte de España a través da A-8. “A realidade é que con este proxecto se daría servizo a unha das maiores zonas produtoras de madeira, portos pesqueiros de referencia, un porto de interese xeral do Estado e unha planta produtora de alúmina e aluminio”, recordou.
Dende o Grupo Provincial Popular poñen sobre a mesa que o Goberno do Partido Popular tiña orzamentado 3,6 millóns de euros para o 2018 e prevía investimentos para as seguintes anualidades, “pero coa chegada de Pedro Sánchez á Moncloa as partidas reducíronse de forma drástica tendo como resultado que non existe nin un só quilómetro executado tras 5 anos de Goberno de Pedro Sánchez”.
N-642, UN SOCAVÓN ABERTO DENDE HAI 11 MESES
Antonio Ameijide denuncia que “con todas as decisións tomadas dende Madrid e polo negociador do PSOE que hoxe é o seu candidato á Xunta” a provincia de Lugo segue illada en materia de infraestruturas.
No referente ao ferrocarril, a electrificación da liña entre Lugo e Monforte sen contemplar as variantes condena a Lugo a quedar sen alta velocidade, tamén queda fóra do Corredor Atlántico de Mercancías e a liña de FEVE na Mariña está practicamente desmantelada.
No que atinxe ás estradas, o Goberno do Estado non ten moito do que presumir á vista do mal estado de moitas vías da súa titularidade, a A-6 desviada pola N-VI ao seu paso por Pedrafita tralo derrubamento dos viadutos do Castro, a autovía A-54 sen rematar e o resto de autovías paralizadas (A-56, A-76 e a propia A-74) e a N-642 cun socavón aberto dende fai 11 meses e que continúa en obras sen data prevista para o restablecemento da normalidade do tráfico.
Precisamente este socavón que obrigou a cortar varios días o tráfico na zona da Areoura (Foz) a escasos metros da entrada a Burela a finais do pasado mes de xaneiro afectando á vida diaria dos veciños e veciñas da Mariña, evidenciou a necesidade da A-74 como vía alternativa.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
