Con Besteiro na Xunta “incrementaremos os orzamentos da sanidade en Galicia, como primeira medida dun plan de choque para rescatar a Atención Primaria e devolver a calidade asistencial que perdemos pola nefasta xestión do PP”
Lugo, 24 de xaneiro de 2024. Os socialistas subliñaron que Besteiro atenderá na Xunta de Galicia as necesidades da sanidade pública na provincia de Lugo tras 15 anos de desmantelamento do Partido Popular. Así o manifestaron na reunión de traballo que a candidatura do PSdeG ás eleccións autonómicas pola provincia de Lugo mantivo este mércores na sede do partido para analizar cal é a situación do sistema sanitario galego, “peor ca nunca”, incidiron, como evidencia o feito de que “o 80% dos 67 concellos da provincia de Lugo sofre graves problemas de persoal nos centros de saúde”, tanto de médicos de familiar, como pediatras e enfermería.
No encontro participaron os candidatos e candidatas Lara Méndez, Mayra García Bermúdez, Miguel Tomé, Teresa Fernández, Elena Cordero, Manuel Fernández, Catalina Fernández, Silvia Rodríguez e Jorge Val, co secretario de Sanidade da Executiva do partido na provincia, Miguel Rodríguez Lois, e o voceiro no Parlamento de Galicia, Luis Álvarez, xunto a alcaldes e alcaldesas, e voceiros e voceiras municipais socialistas de toda a provincia.
“O Partido Popular non cre na sanidade pública porque non cre no público”, destacou Miguel Rodríguez, quen denunciou que o PP leva sometendo dende hai 15 anos á sanidade pública a uns recortes e a unha “precarización histórica” que deu lugar á situación crítica pola que atravesa este servizo esencial. “Vivimos a peor situación da sanidade pública en Galicia dende a chegada da democracia, sobre todo na Atención Primaria”, asegurou.
Os socialistas destacaron que con Besteiro á fronte da Xunta “incrementaremos os orzamentos da sanidade pública en Galicia, como primeira medida dun plan de choque para recuperar a calidade asistencial, principalmente na Atención Primaria e outras especialidades”.
As cifras da precarización da sanidade
Os socialistas sinalaron algúns dos casos máis graves da provincia, como o peche definitivo do consultorio de Castro, en Carballedo, ou a precarización da atención nos centros de Parga (Guitiriz), Castro de Rei, Cervo ou Nadela (Lugo) tras telos cerrados durante meses. Tamén tivo pechado o consultorio de Bóveda; deixou o ambulatorio de Castroverde sen médicos no Nadal; e desde outubro en Negueira de Muñiz non hai facultativo.
Viveiro, con máis de 15.000 habitantes, non ten pediatra desde hai un ano e chega a haber só un médico dos 10 que tiña que haber. Monforte ten só 5 médicos dos 12 que debería haber para atender aos seus 18.000 habitantes na Fonsagrada contan con 2 profesionais dos 5 que había, e que agora teñen que atender tamén aos veciños de Negueira.
Galicia ten a Atención Primaria máis saturada de España
Lembran os socialistas que o Defensor do Paciente, na memoria anual que elaborou para o 2023, vén de sinalar que a atención primaria de Galicia é xunto coa de Andalucía a máis saturada de España; destacando a “necesidade” de incrementar o cadro de persoal de médicos e pediatras nun 30% para diminuír a presión.
Este documento denuncia ademais o “modus operandi” da Xunta de Galicia para “sanear” a listaxe de espera, excluíndo aos doentes que rexeitan ser intervidos en hospitais de diferentes zonas ás que lles corresponden, “unha medida que supón o aumento da lista non estrutural do Sergas e que vai en favor da sanidade privada”.
Á cola en médicos por por habitante
Tamén fixeron referencia aos ratios de médicos por habitante, que sitúan Galicia como a terceira comunidade autónoma pola cola en España segundo o informe da Fundacion Civio. Galicia conta con 450 por cada 100.000 habitantes, cando a media española se sitúa en 480, e no que ten que ver coa saúde mental, Galicia volve situarse como a comunidade con peor ratio de profesionais por paciente.
Recordan tamén desde o PSdeG que con respecto ao ano 2009, a Xunta do PP reduciu o número de profesionais sanitarios de Atención Primaria en 976 e o orzamento en materia sanitaria -sen ter en conta a inflación- caeu desde ese ano en 130M€. De feito, a sanidade é considerada o principal problema en Galicia para o 26,5%, preocupando principalmente a persoas maiores que viven no rural.
O modelo socialista para a recuperación
A candidatura socialista trasladou que entre as prioridades de José Ramón Gómez Besteiro cando sexa Presidente da Xunta en materia sanitaria estará tamén a de reducir os tempos de espera na Primaria e garantir a atención no prazo máximo de 48 horas, como ocorría na etapa de Touriño, fronte ás esperas de entre 5 e 21 días que se rexistran na actualidade pola nefasta xestión do PP.
Defenden que Besteiro apostará pola sanidade pública en Galicia como Pedro Sánchez desde o Goberno de España. Lembran que co socialista ao fronte do Executivo as últimas convocatorias de prazas MIR foron as máis grandes da historia; que recuperou a sanidade pública universal eliminada por Mariano Rajoy no 2018; eliminou o copago farmacéutico para 6,8 millóns de persoas; estabilizou o emprego e eliminou a temporalidade dos profesionais. Ademais, recordan que con Pedro Sánchez, España garante o dereito a unha morte digna, recuperou o dereito de acceso ás técnicas de reprodución asistida e promoveu a nova estratexia de Saúde Mental 2022-2026.
Tal e como explicaron os membros da candidatura, o plan de choque de Besteiro consistirá nun investimento adecuado, unha planificación axeitada “que evite o colpaso das urxencias”, uns incentivos e condicións laborais estables para o persoal sanitario ou unidades de traslado axeitadas e suficientes.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
