Ribadeo, 31 de xaneiro de 2024. Namórate con Acisa é a campaña que a Asociación de Comerciantes, Industriais, Servizos e Autónomos de Ribadeo desenvolverá do 3 ao 13 de febreiro. Acisa sorteará dúas viaxes para dúas persoas a escoller entre máis de 5.100 destinos.
A presidenta de Acisa, Carmen Cruzado, dixo: “presentamos unha nova edición da campaña de San Valentín coincidindo con esta cita tan importante e tan especial como é o dia dos namorados. Tras o Nadal e agora que estamos en plenas rebaixas, esta campaña sempre é importante realizala, xa que as parellas de namorados aproveitan para facerse un agasallo e así celebrar o amor. Se cabe ademais neste ano, pode ter maior relevancia e repercusión, dado que esta campaña de San Valentín coincide co Entroido Ribadense, polo que esperamos que sexa un revulsivo mais para facer as compras no noso comercio local”.
O xerente de Acisa, Jesús Pérez, explicou que “a campaña desenvolverase do 3 ao 13 de febreiro no comercio asociado a Acisa Ribadeo. As persoas que durante este período de tempo realicen as súas compras nos negocios asociados recibirán papeletas para entrar no sorteo de San Valentín. Vanse repartir 8.000 papeletas nesta campaña, 2.000 mais que o ano pasado. O sorteo será non presencial o 14 de febreiro nas instalacións de Acisa e o seu resultado darase a coñecer, coma sempre, a través das nosas redes sociais e dos medios de comunicación. O premio desta campaña, serán dúas viaxes para dúas persoas de dúas noites con almorzo a escoller en mais de 5.100 destinos”.
Cruzado Iglesias engadiu que “animamos á nosa veciñanza a celebrar o amor en Ribadeo. A nosa hostalería xa ten preparados menús especiais para estas datas, tanto nas fins de semana coma o mesmo 14 de febreiro. E no comercio local podemos atopar todo o que precisamos para sorprender ou para ter un detalle coa nosa parella”.
A campaña de San Valentín, organizada por Acisa coa colaboración da Xunta de Galicia, foi presentada pola presidenta e polo xerente do colectivo empresarial.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
