Subliñou que a resposta ante décadas de concentración urbana e abandono do rural pasa por unha actuación conxunta das administracións, a mellora de infraestruturas e servizos públicos e o compromiso das sociedades cos seus territorios
A Fonsagrada, 26 de abril de 2024. O delegado do Goberno en Galicia, Pedro Blanco, destacou hoxe a importancia da promoción do emprego e o fortalecemento dos servizos públicos a través de proxectos de innovación social para poñer freo ao despoboamento do medio rural. Así o expuxo na inauguración da Xornada de Promoción do Emprego para Repoboar o Rural celebrada no concello da Fonsagrada dentro do proxecto “Territorio Intelixente” promovido polo Grupo de Desenvolvemento Rural Montes e Vales Orientais e a Federación Galega de Municipios e Provincias, que conta co apoio do Ministerio para a Transición Ecolóxica e o Reto Demográfico.
Acompañado polo presidente do GDR e alcalde da Fonsagrada, Carlos López, e o presidente da FEGAMP e alcalde de Vilagarcía de Arousa, Alberto López, o delegado do Goberno trasladou os parabéns a ambas entidades “por crear espazos de reflexión e escoita das experiencias de distintos axentes no desenvolvemento deste proxecto enfocado á loita contra o despoboamento, que conta co apoio dun Goberno que outorga por vez primeira axudas directas a este fin”. Neste senso, remarcou a importancia de que “estas iniciativas de dinamización socioeconómica e reactivación territorial estanse a crear desde os propios territorios, pois son os seus habitantes principais afectados do descenso da poboación e primeiros interesados en traballar para aportar solucións”.
Pedro Blanco asegurou que “desde o Goberno coñecemos a realidade da provincia de Lugo, cunha grande dispersión territorial e unha poboación cada vez máis envellecida, pero temos claro que a resposta ante esta situación pasa pola actuación conxunta das administracións, a aposta pola mellora das infraestruturas e servizos públicos e o compromiso das sociedades cos seus territorios”.
Porén, explicou que “reverter o despoboamento non é tarefa doada, pero se todos cremos verdadeiramente nas potencialidades do rural da montaña lucense, teremos un futuro digno, sustentable e mellor, con máis oportunidades de emprego no sector primario, agroalimentario, asociativo e público, melloras nos servizos sociais e aposta polo acceso á vivenda para facilitar o asentamento de poboación no rural”.
A delegado do goberno finalizou a súa intervención comprometéndose a “traballar na busca dun reequilibrio territorial que garanta a igualdade de oportunidades de todas as persoas, independentemente de onde vivan”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
