O voceiro popular critica que hai uns días tanto Tomé votou en contra dunha moción do PP para crear un plan de impulso do solo industrial e agora “vende como unha iniciativa propia aquelas ideas ás que votaron en contra”
Lugo, 22 de maio de 2024. Os deputados do Grupo Provincial Popular esixen a José Tomé, ao PSOE e ao BNG “maior ambición” na venta das parcelas dos polígonos industriais provinciais ao ver como anuncian como “un éxito de xestión” a venda de dúas parcelas (unha en Friol e outra en Chantada) e a bonificación das parcelas de Cospeito nun 30%.
O voceiro popular, Antonio Ameijide, explica que pese a que “nos alegra a venda destas parcelas e de que estamos de acordo co anuncio desa bonificación vemos necesario maior compromiso na venta das parcelas” polo que “sería necesaria unha maior bonificación dos prezos” como xa ocorreu noutras zonas industriais da provincia, poñendo como exemplo a Xunta de Galicia que bonifica directamente o 50% do prezo de venta das parcelas no polígono de As Gándaras.
Neste senso, Ameijide critica “a dobre moral” de Tomé, o PSOE e o BNG que hai uns días votaron no pleno en contra dunha iniciativa do Grupo Provincial Popular para poñer en marcha un plan de impulso do solo industrial da Deputación de Lugo que incluía medidas como que o goberno provincial levara a cabo un plan de impulso dos polígonos industriais da súa titularidade na provincia con campañas de captación de investimentos a través da busca activa de empresas e emprendedores para o seu asentamento nestas áreas, o estudo de bonificacións do prezo ou outros incentivos para a venda de parcelas.
Ademais, esta proposta tamén incluía que a Deputación de Lugo constrúa os 21 polígonos industriais comprometidos nos diferentes concellos da provincia e que aínda están pendentes. “Se queremos que se asenten iniciativas empresariais e proxectos de vida na provincia, sobre todo naqueles municipios rurais, é imprescindible rematar estes polígonos e dar facilidades para que veñan empresas”, sentenciou.
“Vemos como votan en contra das nosas propostas para logo poñelas en marcha como se fosen da súa iniciativa”, sinalou.
No referente á venda das parcelas nos polígonos de Friol e Chantada, o voceiro popular envía unha pregunta a José Tomé: “sería convinte que reflexionase sobre o por que quen quere iniciar un proxecto empresarial elixe municipios con alcaldes do Partido Popular”.
Ameijide pon como contrapunto o que sucede co polígono de Castroverde, municipio cun alcalde do PSOE, rematado hai anos e no que a venda das parcelas é moi complicada e que conta cun mínimo asentamento empresarial.
Neste senso, o voceiro popular recorda que a Deputación conta a día de hoxe cunhas 130 parcelas pendentes de venda, polo que fai unha reflexión moi clara: “é preciso bonificar os prezos, incluso vender por debaixo do prezo de custo xa que a Deputación non está para facer negocio, senón para favorecer o asentamento empresarial e axudar a que a economía medre”.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
