O Pescados Rubén Burela xa é hexacampión de Liga logo de derrotar no terceiro encontro do play off ao Futsi Atlético Navalcarnero (4-0)
Burela, 26 de xuño, 2024. O conxunto feminino do Pescados Rubén Burela xa é hexacampeón de Liga despois de vencer ao Futsi Atlético Navalcarnero por 4-0 nun terceiro partido no que un enfervorecido Vista Alegre empurrou ao conxunto mariñán cara á vitoria. Con este sexto título ligueiro, a entidade burelista iguala no alto do palmarés da competición co seu rival nesta final e co Femesala Elche. Ademais, o conxunto laranxa suma 14 dos 16 títulos nacionais que se disputaron desde aquela Copa da Raíña vencida polas laranxas en Vista Alegre no peche da tempada 2018/2019.
O encontro foi moi igualado e a maior efectividade local, unida a unha actuación estelar de Caridad, decantou a balanza ao lado mariñán. As discípulas de Julio Delgado xa vencían por 2-0 ao descanso e na segunda metade, a pesar de que as atléticas tentaron remontar co xogo de cinco durante o últimos dez minutos e medio de partido, o conxunto local mantivo a súa porta a cero e Antía Pérez e Cami sentenciaron o partido nos tres últimos minutos cun gol de dobrepenalti e outro desde campo propio aproveitando que a portería visitante estaba desguarnecida.
As burelistas comezaron o choque apertando o marco defendido por Marta Balbuena. Primeiro tentouno Irene Samper cun remate forzado e segundos despois Emilly atopábase coa cruceta da portería navalcarnereña. Quen xa non fallou foi Dany no segundo minuto de xogo. A hispano-brasileira facía unha parede con Irene Samper e plantábase soa diante unha Marta Balbuena que medía mal na súa saída e era superada cun sutil toque por Dany, que despois só tiña que marcar a porta baleira.
O gol cambiou por completo o guion do partido e o Futsi acurralou durante uns minutos ás Pícaras nas inmediacións do marco defendido por unha Caridad que se viu obrigada a multiplicarse para deter as acometidas das visitantes. Primeiro conseguía sacarlle un man a man a Laura Córdoba para seguidamente despexar cun auténtico paradón outro lanzamento da propia Laura Córdoba á saída dun libre indirecto na frontal.
Despois de catro minutos de asedio, as mariñás sacudíanse a presión cun disparo de lonxe de Antía Pérez, que despexaba con apuros Marta Balbuena a córner. Á saída do mesmo, Patricia enganchaba unha volea que se ía rozando o pau da portería madrileña. Con todo, a presión atlética non baixou e Irene Córdoba estaba a piques de anotar o empate, mentres que un minuto máis tarde era María Sanz a que se atopaba co pau da meta de Caridad.
Cando máis sufrían as burelistas chegaba o 2-0. Dany loitaba por un balón na esquina esquerda do ataque local e acabábao levando para poñelo cara atrás e que Irene Samper chegase e batese por baixo a Marta Balbuena coa perna dereita. O segundo tanto sentoulle moi ben ao cadro mariñán, que se foi quitando aos poucos a presión visitante. De feito, Cilene estaba preto de anotar o terceiro e Cami non podía aproveitar no segundo pau unha gran asistencia. Previamente, Caridad realizara outra sobresaínte intervención nun man a man ante Leti. As dúas últimas grandes ocasións do primeiro período estiveron nos pés de Cami e Irene Córdoba, pero a primeira non podía superar a Marta Balbuena e a segunda cruzaba en exceso diante do marco local.
O segundo tempo comezou cun disparo de falta ao traveseiro de Ari e un lanzamento de Patricia desde uns dez metros que despexaba ben Marta Balbuena, aínda que o número de ocasións descendería finalmente con respecto á primeira entrega. Dany, nun remate á media volta que sacaba con apuros Marta Balbuena e Irene, nun contragolpe, tiveron o terceiro, pero a mellor ocasión mariñá chegaba no minuto 29, cando Emilly se atopaba co pau da meta atlética e Marta Balbuena detiña o disparo posterior de Noelia Montoro tralo rexeite.
O técnico do Futsi, Sergio Bretón, apostou por María Sanz como porteira xogadora cando restaban máis de dez minutos para a conclusión, pero as Pícaras fixeron un grandísimo exercicio defensivo e apenas concederon ocasións. E cando as atléticas lograban superar as liñas defensivas locais era Caridad a que respondía sempre. Antía Pérez tivo o terceiro no minuto 35, pero o seu lanzamento desde campo propio íase ao pau. Non fallaría dous minutos máis tarde, cando si superaba a Bea Parrón nun lanzamento de dobrepenalti. Cami marcaría o cuarto a porta baleira a menos de 10 segundos do final para levar o delirio absoluto ás bancadas dun Vista Alegre que xa era unha festa total.
Ficha Técnica Pescados Rubén Burela FS 4-0 Futsi Atlético Navalcarnero
Pescados Rubén Burela FS (4): Caridad; Cami, Emilly, Irene Samper, Dany -quinteto inicial-, Noelia Montoro, Rafinha, Patricia, Antía Pérez e Cilene.
Futsi Atlético Navalcarnero (0): Marta Balbuena; Ari, Ju Delgado, María Sanz, Anita Luján -quinteto inicial, Laura Córdoba, Irene Córdoba, Leti, Lora, Becha e Bea Parrón
Goles: 1-0, min. 2: Dany. 2-0, min. 9: Irene Samper. 3-0, min. 37: Antía Pérez. 4-0, min. 40: Cami.
Árbitros: Antonio Navarro (Castilla y León) e Alberto Sarabia (La Rioja). Amoestaron ás visitantes Ju Delgado, Ari e Lora.
Incidencias: Terceiro partido da final do play off polo título da Primeira Iberdrola FS disputado nun pavillón de Vista Alegre cheo ata a bandeira. Na entrega de trofeos participaron José Miguel Monje, presidente del Comité Nacional de Fútbol Sala; Carmela López, alcaldesa de Burela; Alfonso Villares, conselleiro do Mar da Xunta de Galicia; Efrén Castro, vicepresidente da Deputación de Lugo; Manolo Blanco, presidente do Pescados Rubén Burela; Jonathan Matas, directivo do Futsi Atlético Navalcarnero; Carlos Méndez, vicepresidente da Real Federación Galega de Fútbol e Pablo Prieto, responsable da Primeira División Iberdrola Femenina de fútbol sala da Real Federación Española de Fútbol.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
