Sería hipócrita se dixese que me sorprendeu a reacción dalgúns partidos políticos ante a fraude xigantesca que perpetrou Nicolás Maduro o pasado domingo en Venezuela. Estaba dentro do previsto.
Pero que non me sorprenda non implica que non haxa que dicir as cousas tal e como foron. O certo é que, por enésima vez, o réxime bolivariano violou a súa propia legalidade. Nas votacións houbo numerosas incidencias, si, pero, en xeral, a xente puido votar. Os problemas empezaron co peche das urnas:
1. Non permitiron ingresar aos representantes das testemuñas electorais (interventores) da oposición á sede do Consejo Nacional Electoral (CNE) cando pecharon as urnas ás 18:00 horas.
2. Até ás 22:00 horas, as actas chegaban dende o CNE, dun xeito lento, pero chegaban a mans da oposición. E daban unha vitoria estrondosa a Edmundo González Urrutia.
3. A partir desa hora, e até ás 00:00 horas do luns, o CNE di que houbo un hackeo masivo procedente de Macedonia do Norte que fixo caer a web. Até o de agora non hai ningunha proba dese extremo.
4. Ás 00:00 horas do luns, Elvis Amoroso, presidente do CNE, anunciou os resultados oficiais, segundo el “irreversibles” e que representaban un 80 % do reconto: 51,20 % para Nicolás Maduro, 44,20 % para Edmundo García. Aportaba un número de votos que facía que as cifras fosen redondas nos principais candidatos; a probabilidade de que iso aconteza é unha entre 100 millóns.
Cando escribo este artigo, rematou o prazo legal que tiña o CNE para entregar as actas electorais. Quen si recolleu máis dun 80 % destas, en dous días, foi a oposición, que habilitou unha web para que a xente, coa súa cédula de identidade, consulte cal foi o resultado da súa mesa. Paralelamente, o réxime segue coa web do CNE “caída” e sen ofrecer as actas.
E o que si fixo o réxime foi reprimir con violencia policial e parapolicial dende que milleiros de persoas saíron á rúa a protestar pola fraude electoral. Nicolás Maduro e Tarek William Saab presumen de deter 749 persoas durante as protestas do luns e do martes pola fraude electoral e algunhas ONG´s pro-dereitos humanos cifran os mortos en 16.
O réxime escolleu os observadores, pero hai un que destaca polo seu prestixio, o Centro Carter, unha ONG especializada en mediación internacional e convidada polo goberno venezolano para comprobar o desenvolvemento dos comicios. Pois ben, esta entidade declarou por escrito, após saír de Venezuela, que a elección “non pode considerarse democrática”.
A cuestión xa non é se preferimos a Nicolás Maduro ou a Edmundo González; a cuestión é se defendemos a democracia sempre ou só a beneficio de inventario. O domingo perpetrouse unha fraude e hai que denunciala, goberne quen goberne. Isto vai de democracia.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
