O Presidente, José Tomé Roca, asinou coa presidenta da entidade un convenio de colaboración que permite que os seus usuarios poidan asistir ao Colexio Edes, un centro específico situado no concello asturiano Tapia de Casariego
Lugo, 14 de agosto de 2024. O Presidente da Deputación de Lugo, José Tomé Roca, vén de asinar no Pazo de San Marcos un convenio coa presidenta da Asociación Nenos Ponte dos Santos, María José Sante Riopedre, a través do cal a institución provincial achega a esta entidade 14.000€ para colaborar co transporte escolar.
O mandatario provincial puxo en valor o labor que desenvolve este colectivo na integración e mellora da calidade de vida e de benestar dos nenos e nenas usuarios e tamén das súas familias. Tomé Roca, tamén subliñou que “o seu traballo é fundamental para construír unha sociedade máis xusta, inclusiva e igualitaria”.
A través desta axuda os usuarios e usuarias do colectivo, formado por familias con nenos e nenas con discapacidade dos concellos de Alfoz, Foz, Barreiros, Cervo e Ribadeo, poden asistir ao Colexio Edes. Trátase dun centro específico, situado no municipio asturiano Tapia de Casariego, que recibe alumnado con discapacidade intelectual desde os 3 ata os 20 anos de idade. Así mesmo, conta cunhas instalacións adaptadas ás necesidades dos estudantes como salas de estimulación ou aulas de audición e linguaxe, entre outros espazos.
A metodoloxía de traballo que se desenvolve neste centro educativo vai dirixida a mellorar o desenvolvemento integral dos alumnos, fomentando a aprendizaxe de habilidades persoais e laborais necesarias para aumentar a súa autonomía. Nesta liña, participan en obradoiros de cociña, teatro, horta e xardinería ou comercio e, ademais, tamén reciben clases de música, educación física, fisioterapia e sesións individuais de logopedia, dependendo das necesidades de cada alumno.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
