Nota de Prensa
Os socialistas mariñaos analizan os orzamentos da Xunta
REGO CUALIFICA OS ORZAMENTOS DA XUNTA COMO OS DA RESIGNACIÓN PARA GALICIA, E OS DO MALTRATO PARA A MARIÑA DE LUGO
-O deputado do PSdeG-PSOE Ismael Rego explica que as actuacións mais relevantes da Xunta son a demolición do colexio Rivera Casas e a construcción dunha Goleta , na que se prevé investir mais de 3 millóns de euros
– Asegurou que non existe ningún proxecto novo e so se limitan a continuar a baixa con algunhas obras que deixou programadas o anterior goberno autonómico.
– Dixo que supoñen un duro golpe para capacidade emprendedora dunhas comarcas mais activas e dinámicas de Galicia
– Advertiu que supoñen 1,665.000 euros menos que o ano pasado.
– Asevera que o mais escandaloso é a reducción de orzamento para o funcionamento do Hospital Comarcal da Costa, de perto de 1 millón de euros
– Sobre os saneamentos e abastecementos tampouco hai nada de novo que non sexa a propaganda que fan os responsables do PP na zona, anunciando distintas obras que despois nunca aparecen nos orzamentos.
Burela , 23 de outubro de 2010. O deputado do Grupo Parlamentario do PSdeG-PSOE Ismael Rego acompañado de alcaldes e portavoces municipais socialistas da Mariña de Lugo, analizaron hoxe en Burela os orzamentos da Xunta para Comarca da Mariña lucense. O deputado do PSdeG-PSOE Ismael Rego cualificou as contas de Feijoo como as da resignación para Galicia, e do maltrato para a Mariña de Lugo.
Dixo que supoñen un duro golpe para capacidade emprendedora dunhas comarcas mais activas e dinámicas de Galicia. E denunciou que adican mais a derribar que a construír. Asegurou que ainda dando por vos os artificios contables que contempla o orzamento da Xunta suporía un 8% menos que o ano do 2010, o peor ano da crise económica.
Rego explicou que supoñen 1,665.000 euros menos que o ano pasado. As cifras so contemplan 18.174.173. do 2011, fronte aos 19. 839.037 euros do ano 2010. Ademais hai que engadir as trampas que contemplan cun clara vocación de enganos aos cidadáns, como consta que nalgunhas partidas que aparecían reflexadas no ano 2010 e que non foron executadas, agora volven a aparecer nos orzamentos do 2011. Como por exemplo as de aceso ao porto de Burela, distintos polígonos industriais da Comarca, ou os proxectos de mellora de firme da estrada LU-862 Viveiro- Limite da provincia.
Asegurou que non existe ningún proxecto novo e so se limitan a continuar a abaixa con algunhas obras que deixou programadas o anterior goberno autonómico.
O deputado considera como mais escandaloso a reducción de orzamento para o funcionamento de perto de 1 millón de euros do Hospital Comarcal da Costa, que conta coas listas de espera mais longas do sistema sanitario galego. Di que o Goberno de Feijoo en vez de dotalo de mais medios para potenciar os seu funcionamento reduce os orzamentos e polo tanto limita aínda mais a súa capacidade operativa. Asevera que non se contempla nin un so euros adicado a ampliación deste centro hospitalario xa que os 526.000 euros que aparecen reflexados no orzamento son para pequenas reformas que xa están en marcha. Denuncia que o Plan Director realizado para a súa ampliación polo anterior Goberno vai seguir durmindo o soño dos xustos nun caixón un ano mais.
Afirma que non existe actuación algunha en materia de dotación e equipamentos para a atención aos maiores, nin para fortalecer o sistema educativo. Neste punto lembra que tampouco aparece orzamentada como xa denunciou publicamente a ambulancia medicalizada de Foz. A maiores advirten que deixan aparcado o corredor, San Cibrao- Ferrol xa que non prevé recursos para ningún proxecto nin tramo novo limitándose a habilitar partidas para facer fronte ás certificacións de obras que deixou en obras ou licitado o anterior Goberno, como por exemplo a variante de Ortigueira e Celeiro San Cibrao.
Di que as actuacións mais relevantes da Xunta son a demolición do colexio Rivera Casas e a construcción dunha Goleta , na que se prevé investir mais de 3 millóns de euros.
No que se refire a saneamentos e abastecementos tampouco hai nada de novo, que non sexa a propaganda que fan os responsables do PP na zona, anunciando distintas obras que despois nunca aparecen nos orzamentos.
A tomadura de pelo
Rego di que o aceso ao Porto de Burela para o que se contemplaban no orzamento do 2010 de 1.395.976 euros non se executou nin un so metro, nin se gastou un só euro, e agora para o 2011 reducen a partida a 200.000 euros. Sinala que programan a execución da obra no ano 2013.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
