O delegado territorial de Lugo, Javier Arias, comprobou o resultado dalgunhas das actuacións, que se executan en sete parroquias ao abeiro do Plan Marco da Consellería do Medio Rural
Lugo, 18 de setembro de 2024. A Xunta de Galicia destina 226.000 euros a acondicionar un total de 19 quilómetros de camiños municipais do concello de Vilalba, correspondentes ás parroquias de Alba, Belesar, Román, Sancovade, Goiriz, Rioaveso e Oleiros.
As obras execútanse ao abeiro do Plan Marco da Consellería do Medio Rural. As do bienio 2023-2024 xa remataron e estanse a desenvolver as do período 2024-2025; as dúas edicións suman un orzamento concreto para o presente ano de 129.300 euros. En xeral, acométese a limpeza de noiros, rexeneración da capa de rodadura e colocación de sinais verticais onde proceda.
O delegado territorial de Lugo, Javier Arias, comprobou hoxe os traballos executados no camiño que dá acceso ás poboacións de Liñares, Gardamil e Cabanas -nas parroquias de Rioaveso e Oleiros-, enlazando a estrada autonómica LU-120 coa estrada provincial LU-P-6510.
Nesta zona arranxáronse máis de 5 quilómetros entre a vía principal e a variante que tamén conecta co núcleo de Cabanas. Así mesmo, reforzouse a drenaxe en varios puntos e colocáronse sinais verticais de STOP nos cruces.
Nos últimos meses completáronse traballos similares nos camiños de Barbeitas, cun total de 1,7 quilómetros na parroquia de Sancovade, e no que atravesa Graduín ata rematar en Fabás, con 1,8 quilómetros en Goiriz.
Próximos proxectos
No que respecta ás actuacións a acometer ata o vindeiro ano, a de maior entidade será a que afecta á parroquia de Alba, atravesando os barrios de As Turbelas, O Curro, Cordal e Meire ata rematar na igrexa e cemiterio de Belesar. Actuarase en 4,5 quilómetros aproximadamente, tanto da vía principal como dunha ramificación de 490 metros que conduce a distintas vivendas e parcelas agrícolas en dirección Norte.
Igualmente, nas parroquias de Rioaveso e Román vanse reparar 1,1 quilómetros no acceso á Bardela e 1,8 quilómetros na pista a Cartemil desde a estrada autonómica LU-120.
Javier Arias destacou o investimento que realiza a Xunta no Plan Marco, con máis de 9,2 millóns de euros distribuídos na provincia de Lugo entre as dúas últimas convocatorias. Neste sentido, lembrou que “o mantemento das infraestruturas rurais resulta fundamental para contribuír ao aumento da competitividade agraria e forestal, mellorar as condicións de vida e de traballo e, en definitiva, impulsar a cohesión social e territorial”.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
