O cadro mariñao, no que destacou Antía Pérez cun dobrete, tardou en sentenciar o encontro pola súa falta de pegada na primeira media hora
Burela, 12 de outubro, 2024. O conxunto feminino do Pescados Rubén Burela continúa co seu bo comezo na liga Iberdrola e este venres levaba o derbi lugués ante o Castro Bloques Cando (4-0) nun partido no que tardaron en sentenciar as discípulas de Julio Delgado pola súa falta de eficacia na primeira media hora de xogo.
O conxunto burelista adiantouse moi rápido, cando se acababa de cumprir o primeiro minuto de xogo, nun balón en longo de Cami que deixaba a Antía Pérez soa ante Area. A futbolista de Laza recortaba moi ben á meta chairega e marcaba a pracer. A pesar do tanto, o cadro laranxa mantivo a súa presión sobre a meta local e no minuto 6 era Emilly a que estaba a piques de subir o segundo, pero o seu remate, tras unha gran paralela de Patricia, íase ao pau.
Xusto no ecuador do primeiro tempo tiña a súa mellor oportunidade o conxunto visitante. Dany perdía un balón e este quedáballe a Jenny perfecto para rematar sobre a meta de Ana Eliza, pero o seu disparo íase demasiado desviado. Esta ocasión foi un espellismo e durante o segundo cuarto do primeiro período, o Pescados Rubén Burela continuou co seu dominio sobre a meta castrexa.
Noelia Montoro, Emilly e Patricia probaron de novo á gardameta visitante, que respondeu tamén moi ben ante Débora Lavrador sacando un balón coa cara. De novo tería que aparecer no 19 para repeler un disparo de Antía e a ourensá atopábase posteriormente co pau da portería do Castro. Ao descanso chegábase cunha pírrica vitoria dun conxunto local que fixera méritos para irse con algún tanto máis, pero que volvía acusar a súa falta de acerto nos metros finais.
A segunda metade comezou eléctrica, cunha gran ocasión de gol por cada bando. Estela tivo o empate nunha combinación con Anita Ontiveros, pero atopouse cun paradón de Ana Eliza. Na acción seguinte respondía o cadro local. Facíao por mediación de Antía Pérez cun disparo desde uns 10 metros que primeiro tocaba Area e posteriormente repelía o traveseiro a córner.
O Burela incrementou o seu dominio conforme avanzou o segundo tempo e no ecuador volvía dispoñer dunha gran oportunidade, pero un remate forzado de Patricia íase chorando ao pau e posteriormente chegaba Area para evitar que a yeclana aproveitase o rexeite.
A insistencia laranxa tivo o seu premio no minuto 33, cando Antía volvía resolver con calidade un man a man ante Area para poñer o 2-0. Non tardaría en chegar o terceiro, xa que instantes despois era Emilly a que aproveitaba un rexeite de Area tras un lanzamento de Cami para poñer o balón na escuadra.
Co 3-0 no electrónico, o técnico visitante, Chipi, apostaba por Jeni como porteira-xogadora, que probaba a Ana Eliza cun disparo desde a distancia a tres minutos e medio da conclusión. O conxunto local defendeu moi ben o xogo de cinco e mesmo foi capaz de anotar o cuarto tanto nun contragolpe lanzado por Emilly que cedeu para que Noelia Montoro marcase a porta baleira e aí morría definitivamente o primeiro derbi lucense da tempada.
Ficha Técnica Pescados Rubén Burela FS 4 – 0 Castro Bloques Cando
Pescados Rubén Burela FS (4): Ana Eliza; Cami, Dinha, Antía Pérez, Dany -quinteto inicial-, Carolina Pedreira, Patricia, Noelia Montoro, Emilly e Débora.
Castro Bloques Cando (0): Area; Anita Ontiveros, Antía, Jenny, Estela -quinteto inicial-, Laura Boix, Luísa Mayara, Dani Sousa, Jeni, Vero e Julia Dupuy.
Goles: 1-0, min. 1: Antía. 2-0, min. 33: Antía. 3-0, min. 34: Emilly. 4-0, min. 39: Noelia Montoro.
Árbitros: Roberto Amor e Lidia Crespo (Colexio Galego). Amoestaron á visitante Jenny.
Incidencias: Encontro da sexta xornada da Liga Iberdrola femenina disputad de la sexta jornada de la Liga Iberdrola femenina disputada no pavillón de Vista Alegre ante uns 800 espectadores.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
