O goberno local propón á Xunta de Galicia manter as dársenas actuais, habilitando un acceso aos baños e instalando paneis informativos
Vilalba, 11 de outubro de 2024. Na mañá de hoxe a alcaldesa de Vilalba, Marta Rouco, mantivo un encontro coa directora xeral de mobilidade, Judit Fontela, na estación de autobuses da vila, onde tamén estiveron o arquitecto técnico municipal e unha das técnicos da dirección xeral de mobilidade.
Logo de 9 meses agardando unha xuntanza coa directora xeral de mobilidade, a alcaldesa, Marta Rouco, conseguiu reunirse con Judit Fontela o pasado mes de xullo, cando esta última se comprometeu a visitar Vilalba no mes de setembro para estudar insitu a situación da estación de autobuses.
En vista do atraso na visita, a alcaldesa de Vilalba reiteroulle á dirección xeral de mobilidade a urxencia de encontrarse na capital da Terra Chá para ver o estado actual da estación de autobuses e estudar as posibilidades para “dar unha solución á altura do noso municipio, capitalidade da Terra Chá e localizado nun punto xeográfico estratéxico que fai que unha gran cantidade de rutas de transporte público por estrada pasen polo noso concello”, explicou a rexedora, Marta Rouco.
Esa idea foi a que a alcaldesa de Vilalba lle trasladou tamén no día de hoxe á directora xeral de mobilidade, facendo fincapé na importancia de “manter o que xa temos e que a estación de autobuses volva ser o punto central ao que chegan e do que saen todas as rutas que pasan por Vilalba”.
Nesa liña, a proposta por parte do Concello de Vilalba pasa por manter as dársenas actuais, de forma que todas as empresas de autobuses acudan a elas para deixar e recoller pasaxeiros, instalar nesa mesma zona unha infraestrutura que permita aos viaxeiros resgardarse mentres agardan, habilitar un acceso aos baños da estación e acondicionar a contorna.
Ademais, “é fundamental que se instale algún panel informativo para que os pasaxeiros poidan consultar as rutas, saber a que horas chegan ou saen os autobuses e onde conseguir os billetes”, sinalou a alcaldesa, Marta Rouco, quen explicou que “ninguén sabe dicir onde e a que hora pasan os autobuses por Vilalba porque cada empresa foi mudando as paradas e o lugar de venda dos billetes por culpa do estado no que se atopa a estación de autobuses”.
“De feito, durante a visita puidemos comprobar en primeira persoa como varios pasaxeiros, fundamentalmente peregrinos, se achegaban para preguntar onde se collía o autobús, dubidosos de que aquelo fora o lugar de parada polo estado de abandono da estación” apuntou Rouco.
Pola súa banda, a directora xeral de mobilidade, Judit Fontela, asegurou que se avaliará, mediante un estudo técnico, a alternativa proposta polo Concello de Vilalba e a posibilidade de instalar unha dársena nas inmediacións da estación, o que suporía o peche definitivo do recinto.
“A opción de instalar unha dársena ao lado da estación consideramos que non achega nada positivo. Penso que é mellor aproveitar o que xa hai que construír algo novo para deixar abandonada a estación”, apuntou a alcaldesa, Marta Rouco, quen engadiu que “nesa fórmula seguiría sen haber uns servizos mínimos porque non existiría un acceso aos baños, fundamentais para os usuarios”.
Finalmente, Rouco salientou que “a estación inaugurouse no ano 91 como un gran fito do Partido Popular pero agora os propios populares pretenden pechala definitivamente porque, segundo eles, non ten a afluencia suficiente”.
TRANSPORTE ESCOLAR
Pola súa banda, algunhas familias afectadas polos problemas co transporte escolar no colexio de Román e co transporte integrado nos institutos do casco urbano, achegaronse ata á estación en busca dunha respota á situación por parte da directora xeral de mobilidade.
Logo de que as familias e a alcaldesa lle trasladasen as múltiples incidencias que se veñen dando dende o inicio do curso, a directora xeral de mobilidade, Judit Fontela, asegurou que se estaba traballando nese tema e fixou nun par de semanas a implantación dunha solución definitiva.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
