Nesta xuntanza, os representantes dos diferentes concellos tamén fixeron patente a necesidade de que a Deputación colabore con todos os municipios na recollida de animais abandonados coa creación, polo menos, de tres centros de acollida, un na zona norte, outro no centro e un terceiro no sur de da provincia
Lugo, 15 de outubro de 2024. Os deputados do Grupo Provincial Popular remataron a ronda de xuntanzas cos alcaldes e voceiros do PP nos 67 municipios da provincia, unha rolda de reunións nas que constataron “o clamor que existe na provincia polo nefasto estado de mantemento da rede viaria provincial”.
Nesta xuntanza, con concellos da zona centro da provincia, estiveron presentes os deputados Antonio Ameijide, José Ángel Santos, José Pardo e Armando Castosa, ademais de representantes de Lugo, Castroverde, Castro de Rei, O Corgo, Láncara, Meira, Paradela, O Páramo, Pol, Rábade, Samos, Sarria, A Pastoriza, Begonte, Cospeito, Guitiriz, Vilalba, Monterroso, Palas, Portomarín e Xermade.
O voceiro popular, Antonio Ameijide, explica que unha das reivindicacións comúns nestas xuntanzas foi o estado das estradas de titularidade da Deputación. “A realidade é que 66 dos 67 concellos da provincia reclamaron unha preocupación real por parte do goberno provincial polo arranxo e mantemento da rede viaria provincial debido ás numerosas deficiencias que presenta, ademais da inseguridade que supón circular por estas estradas”, explicou.
A realidade é que esta rede viaria provincial foi creada e concibida “baixo un goberno do PP á fronte da Deputación de Lugo, que contaba con moitos menos recursos dos que teñen agora PSOE e BNG para o seu mantemento”. “Estas estradas provincias teñen que vertebrar a comunicación entre os municipios pero a realidade é que pola falta de traballo de José Tomé e os seus socios de goberno son un verdadeiro perigo”, sinalou.
Un mantemento da rede viaria que ten que ir da man de colocar todos os elementos de seguridade necesarios, renovar a sinalización e de realizar os desbroces. “Estamos en outubro e hai concellos nos que aínda non se rozou nin un quilómetro de estradas”, lamentou.
Unha falta de mantemento que non se exemplifica so na rede viaria, senón que tamén se traslada ao resto de propiedades da Deputación de Lugo. “Non importa que se trate dun edificio, de estradas ou de zonas verdes, a PSOE e BNG non lles preocupa nada manter en bo estado as súas propiedades”, denunciou.
Neste senso, Antonio Ameijide puxo como exemplos o estado do Centro de Artesanía “no que cando chove, faino coa mesma intensidade no interior e no exterior do edificio”, o Pazo dos Deportes ou as zonas verdes. “O Paseo do Miño cara a Fervenza (no Concello de O Corgo) é un paseo natural que foi a envexa de toda España, e falo en pasado porque pola falta de preocupación e de mantemento de PSOE e BNG atópase en estado de abandono”, afirmou, xa que esta senda verde conta con numerosos atrancos para disfrutar dela, como árbores caídas sobre o camiño, grandes fochancas ou escaleiras e accesos perigosos, entre outras deficiencias.
PETICIÓN DE AXUDA NO CONTROL DE ANIMAIS ABANDONADOS
Os deputados do Grupo Provincial Popular explicaron nesta xuntanza que os representantes dos concellos da Ribeira Sacra, A Mariña e da Montaña se amosaran moi preocupados coa recollida dos animais abandonados, “un sentir que tamén se fixo patente nesta reunión”.
A realidade é que a Deputación ten que cumprir coas súas obrigas, establecidas na Lei 7/2023, do 28 de marzo, de protección dos dereitos e o benestar dos animais, e colaborar cos concellos na recollida dos animais abandonados. “Os municipios non teñen capacidade económica nin de persoal para asumir todas as competencias que se establecen nesta lei que entrou en vigor o 29 de setembro de 2023, polo que a Deputación ten que estar ao seu carón para axudalos”, sinalou.
Unha reclamación que se incluirá no documento de propostas aos orzamentos da Deputación para o vindeiro ano, de forma que o goberno provincial poña en marcha tres centros de acollida para animais en toda a provincia, un na zona norte, outro para o centro e outro no sur.
PLAN DE XUVENTUDE
Dende o Grupo Provincial Popular tamén se defenderá que a Deputación poña en marcha un plan para a xuventude. “É necesario axudar aos máis novos a atopar a súa primeira experiencia profesional, ademais de darlles alternativas para o deporte, a cultura e o ocio, algo que o goberno de PSOE e BNG non están a facer”, rematou.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
