“Son terreos que si poden e deben ser usados polos concellos para compretar as súas mallas urbanas e para darlles utilidade creando servizos para a veciñanza”, asegurou
Viveiro, 18 de outubro de 2024. “É o momento para que a comisión mixta entre Xunta e Estado trate a devolución aos concellos dos terreos portuarios que xa non están sendo utilizados para esas actividades”. Así se manifestou hoxe en Viveiro o secretario xeral do PSdeG, José Ramón Gómez Besteiro, xunto a alcaldes da Mariña e parlamentarios sobre un problema que, asegurou, arrastra “anos de incumprimentos” por parte da Administración autonómica.
Cando os gobernos galego e central están a tratar as transferencias en materia de litoral, o líder socialista ve unha oportunidade para para elevar a ese foro unha reivindicación que en Galicia atinxe a unha trintena de municipios, cunha superficie afectada que supera, en total, máis de 500.000 metros cadrados. Son terreos “que si poden e deben ser usados polos concellos para compretar as súas mallas urbanas e para darlles utilidade creando servizos para a veciñanza”, afirmou.
“Esa comisión mixta é o marco adecuado para resolver dunha vez por todas esa devolución que leva anos reivindicando o mundo municipal”, insistiu Besteiro, que avanzou que o PSdeG se dirixirá tanto á Xunta coma ao Estado para que inclúan este asunto nas negociacións. Apuntou tamén que nas próximas datas os socialistas impulsarán esta iniciativa nos diferentes concellos aos que atangue o problema, así como no Parlamento galego.
Xunto a Besteiro compareceron as alcaldesas de Viveiro e Burela, o alcalde de Foz, o senador César Mogo, a deputada Patricia Otero, a deputada provincial e alcaldesa de Antas de Ulla, Pilar García Porto, e o segundo tenente de alcalde viveirense, Jesús Fernández.
María Loureiro destacou a necesidade de poder xestionar dende o Concello terreos totalmente abandonados, por exemplo, o do antigo Casino, “para poder humanizalos e darlles servizos aos veciños e veciñas”, algo no que coincidiu Carmela López ao sinalar que “é importante para darlles valor” ás superficies portuarias sen uso. Francisco Cajoto, pola súa banda, denunciou que a Xunta “está incumprindo a lei e o compromiso que adquiriu coa Fegamp no ano 2021”, e lembrou que Foz está a pagar 81.000 euros ao ano por usar terreos portuarios para diferentes actividades.
Segundo detallaron os rexedores, no caso de Viveiro, a superficie nesa situación suma 25.000 metros cadrados, mentres que en Burela son 500 e en Foz 65.000.
O cobro de taxas é precisamente un dos problemas que denuncian os concellos. Portos segue obtendo ingresos pola cesión dos seus terreos, moitas veces cun importe desproporcionado que non só aboan as administracións locais, senón que tamén o fan entidades deportivas ou culturais, pero non asume nin o mantemento nin a limpeza. A iso engádese un uso partidista, denuncian os socialistas, xa que a Xunta fai claras distincións entre o que lles permite desenvolver nesas superficies a concellos de diferente cor política. Así, son habituais os retrasos e dificultades cando algúns alcaldes solicitan autorizacións para realizar actividades ou para o desenvolvemento de proxectos.
O Parlamento aprobou no 2020 unha iniciativa para avanzar na devolución dos terreos portuarios aos concellos. O PP votou a favor de varias propostas, pero ese apoio non se traduciu nun cumprimento real por parte da Xunta.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
Tras o éxito das edicións anteriores, poderán participar maiores de idade e asociacións sen ánimo de lucro con polo menos 25 artigos usados, como roupa, libros, mobles ou electrodomésticos.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
Non deben prematricularse quen continúe co mesmo instrumento nin quen opte a talleres, Música e Movemento, Pandeireta ou Instrumentos Tradicionais, que se inscribirán en setembro. As solicitudes presentaranse no rexistro do Concello ou na sede electrónica, sen garantir praza. O alumnado xa matriculado mantén a súa praza se formaliza a matrícula entre o 1 e o 9 de setembro. A Escola contactará na primeira semana de setembro para confirmar dispoñibilidade segundo o Regulamento interno.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
