O BNG quere converter o edificio no “buque insignia dos servizos sociais, igualdade, migración e mocidade” no Concello de Burela
Madrid, 5 de novembro de 2024. O deputado do BNG no Congreso, Néstor Rego, vén de anunciar o rexistro de iniciativas en que insta o Goberno -e, no concreto, o Ministerio de Inclusión, Seguranza Social e Migracións- a actuar na Casa do Mar de Burela para realizar unha rehabilitación do inmóbel e, posteriormente, conveniar coa Xunta da Galiza para a súa transferencia e posibilitar a súa utilización para albergar todos os servizos sociais que actúan no concello, tanto de carácter autonómico, municipal ou asociativo. A organización nacionalista presenta estas iniciativas, enmarcadas nun ambicioso proxecto que pretende converter a Casa do Mar de Burela no “buque insignia” dos servizos sociais, igualdade, inmigración, mocidade.
O deputado do BNG, Néstor Rego, visitou o edificio da Casa do Mar en Burela, para coñecer de primeira man o estado actual das instalacións, acompañado polo tenente de alcalde Mario Pillado, así como pola concelleira de Servizos Sociais, Sandra Fernández.
Na actualidade, a Casa do Mar de Burela -propiedade do Ministerio de Inclusión, Seguranza Social e Migracións, a través da Tesoureira Xeral da Seguranza Social- alberga as oficinas do Instituto Social da Mariña (ISM), a Unidade da Atención Temperá (UAT) e acolle locais do ámbito asistencial e asociativo. Un edificio, construído a finais da década dos setenta, con moito espazo baleiro e infrautilizado, que precisaría dunha mellora e actualización das infraestruturas para ofrecer servizos á veciñanza de Burela.
“O edificio ten unha enorme potencialidade mais, para iso, é preciso que o Ministerio de Seguranza Social, en colaboración coa Xunta de Galiza e cunha escoita activa ao Concello de Burela, aborde as obras de reparación do inmóbel” defende o deputado do BNG no Congreso. Do mesmo xeito, continúa explicando Néstor Rego, o Goberno do Estado, unha vez acondicionado, debera chegar a un acordo coa Xunta da Galiza para a súa transferencia e que esta, á súa vez, o poña ao servizo do Concello de Burela.
Estas iniciativas enmárcanse dentro dunha serie de actuacións promovidas polo BNG na localidade mariñá para converter a Casa do Mar no “buque insignia dos servizos sociais de Burela. Un gran centro de Benestar social, onde se integren todos os servizos sociais municipais e mesmo outros como a Unidade de Atención á Drogodependencia (UAD), a Unidade de Atención Temperá, ou servizos socio comunitarios coma o CIM, a educadora familiar, a atención a persoas migrantes, asociacións que traballan no eido social e outros colectivos”.
Pola súa parte, o voceiro do BNG en Burela e tenente de alcalde, Mario Pillado, reforza a idea proposta pola organización nacionalista destacando que este edificio pode chegar a ser “unha referencia para toda a comarca da Mariña acollendo todos os servizos sociais e serviría para dar un maior servizo a toda a cidadanía”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
