O deputado Francisco Conde defenderá este mércores na Comisión de Industria e Turismo do Congreso unha PNL para garantir a competitividade da planta de Alcoa na Mariña e a industria electrointensiva
Lugo, 12 de novembro de 2024. O deputado do PP lucense no Congreso e portavoz de Industria do Grupo Popular no Congreso, Francisco Conde, asegura que “o futuro de Alcoa depende dunha decisión política do Goberno de Sánchez”. É máis, acúsao de “bloquear as autorizacións para os parques eólicos vinculados a un contrato de venda de enerxía (contratos PPA) que atendería ao 17% das necesidades enerxéticas da planta mariñá, de non activar o máximo permitido pola lexislación europea en axudas derivadas da compensación por custos indirectos de emisións de CO2 nin modificar o Estatuto dos consumidores electrointensivos que dea resposta ás necesidades do sector, tal e como se comprometera a Ministra”.
Conde asevera que “o Goberno de Sánchez e o PSdeG bloquean solucións para Alcoa”. De feito, “mentres que a Xunta de Galicia cumpriu cos prazos -despois de declarar eses parques como iniciativas empresariais prioritarias-, o Ministerio para la Transición Energética y el Reto Demográfico resolveu fóra de prazo -en novembro do 2023- a declaración de impacto ambiental (DIA) de cinco parques eólicos vinculados a un contrato de venda de enerxía para Alcoa (contrato PPA). E, a pesar de que o PSdeG prometera que podía recuperar o seu permiso de acceso e conexión no prazo dun mes, case un ano despois deste anuncio, a situación segue a ser a mesma”.
Polo tanto, considera que “o PSdeG lles dá de novo as costas aos traballadores incumprindo o seu compromiso. E o BNG tamén, por seguir apoiando ao Goberno de Sánchez a pesar de terlle mentido e negarlle a Alcoa un prezo eléctrico estable e competitivo, como fan o resto de países da Unión Europea”.
Conde aclara tamén que “nin Bruxelas nin o marco enerxético impiden que se poidan conceder as axudas por compensación de custos indirectos de CO2 ás industrias electrointensivas”. A Directiva (UE) 2018/410 permite destinar ata o 25% deses ingresos, “pero o apoio de España ás industrias electrointensivas non alcanza o que lle permite a lei”. Así, condena que “o Ministerio celebrara como un éxito que as axudas se eleven ata os 300M€ cando a industria electrointensiva española tería dereito a case o triple: 896M€”.
O apoio de países como Francia ou Alemaña en axudas á industria electrointensiva por compensación dos custos indirectos de CO2 é maior. Mentres que en España teñen que facer fronte a un prezo da enerxía de case 3 veces máis que as francesas e o dobre que as alemás. “E, aínda por riba, cando promoven contratos de subministro de enerxía vinculados a fontes renovables, o Goberno de Sánchez paraliza os proxectos”.
Conde é crítico con esta situación porque “coloca ao sector electrointensivo español nunha posición de grave desigualdade con respecto aos principais competidores europeos”, ademais de “limitar as posibilidades para o seu desenvolvemento e aumentar o risco de deslocalización impactando de forma directa no emprego e na economía rexional”.
O GOBERNO INCUMPRE O ACORDO
O deputado popular subliña “outro incumprimento máis por parte do Goberno de Sánchez” á vista de que “o Ministerio leva meses sen convocar a mesa de seguimento do acordo de Alcoa” que reclaman os traballadores e que “está plenamente xustificada” pero, ademais, “urxe para analizar a nova situación tras facerse público o preacordo inversor con Ignis”.
INICIATIVA POPULAR
Os deputados lucenses no Congreso esixen ao Goberno de Sánchez, a través da Proposición No de Ley para garantir a competitividade da planta de Alcoa na Mariña e a industria electrointensiva para o seu debate na Comisión de Industria e Turismo:
1. Cumprir os seus propios prazos impostos no Real Decreto-ley 23/2020 no que se refire á tramitación de proxectos de xeración a partir de fontes renovables, pois o seu incumprimento ten unha grave repercusión económica no solo aos promotores afectados senón tamén á industria que subscribiu contratos de compravenda de enerxía a prezo competitivo con aqueles.
2. Asumir as posibles responsabilidades patrimoniais para as empresas non só enerxéticas, senón tamén industriais, que se viron gravemente prexudicadas ante os erros de incumprimento dos prazos fixados polo propio Goberno.
3. Modificar o Estatuto dos consumidores electrointensivos para asegurar que as industrias en España podan competir en igualdade de condiciones no mercado europeo, incrementando a dotación presupostaria para as axudas ao sector ata o límite do 25% dos ingresos de dereitos de emisión de CO2, conforme ao permitido pola Directiva Europea.
4. Axilizar a tramitación e activación de poxas específicas de enerxía renovable para consumidores industriais intensivos en enerxía.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
