Haberá un total de nove postos dispoñibles para a súa concesión de uso privativo, que se poderán visitar contactando previamente co Concello
Viveiro, 18 de novembro de 2024. A Tenencia de Alcaldía de Viveiro anuncia a licitación pública para a concesión de varios postos no mercado municipal da Praza de Abastos.
A concelleira de Mercado e Comercio, Iria Cotelo, sinala que esta licitación especial busca “darlle uso ao espazo, actualmente con moitos postos baleiros, e dinamizalo mentres se espera á remodelación da praza”.
“As persoas interesadas na concesión poderán visitar in situ os postos dispoñibles, coñecer as súas características e aclarar posibles dúbidas sobre o procedemento de licitación”, destaca Cotelo.
Para isto será necesario poñerse en contacto co Concello no número de teléfono 982 560 128 ou co Departamento de Contratación do Concello. Haberá un total de nove postos dispoñibles para a súa concesión de uso privativo.
A superficie dos postos oscila entre os 6,50 metros cadrados do posto número 1 aos 28,55 metros cadrados dos postos 7/9. De xeito acorde, o canon a pagar polo seu uso está entre os 31,07€ e os 65,09€ mensuais, ou entre os 177,84€ e os 781,08€ anuais.
Posto 1: 6,50 m²
Posto 2: 11,94 m²
Posto 3: 7,15 m²
Posto 4: 12,82 m²
Posto 6: 7,15 m²
Postos 7/9: 28,55 m² cada un
Posto 12: 15,70 m²
O canon anual por metro cadrado está establecido en 4,78€, cunha bonificación especial debido ao carácter excepcional desta licitación. O importe poderá ser mellorado á alza por cada licitador, quen abonará o canon de forma mensual.
A concesión terá un prazo inicial dun ano, prorrogable por outro ano, sempre que non se inicien as obras de remodelación do mercado. Permitirase a venda directa de calquera tipo de produto, sempre e cando se realice atención directa ao público desde o propio posto.
A adxudicación realizarase mediante procedemento aberto, cun único criterio de valoración: a oferta económica máis vantaxosa.
Unha vez o anuncio sexa publicado no Boletín Oficial da Provincia de Lugo, como ocorrerá previsiblemente a partir da vindeira semana, as persoas interesadas terán 30 días hábiles para presentar as súas propostas a través da Plataforma de Contratación do Sector Público.
A concelleira de Mercados subliña que a licitación “busca reverter a situación actual de inactividade no mercado, sendo unha oportunidade para darlle nova vida á praza”.
“Deste xeito promóverase o uso do mercado ata que se poidan acometer as obras de remodelación que se están a proxectar neste emblemático espazo do municipio”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
