O acordo inclúe, ademais, a mobilización coordinada dos servizos de urxencias para garantir que ningunha situación crítica quede sen cobertura
Lugo, 5 de decembro de 2024. O conselleiro de Sanidade, Antonio Gómez Caamaño, e a conselleira de Saúde de Asturias, Concepción Saavedra Rielo, asinaron hoxe, no Hospital Lucus Augusti, un convenio de colaboración para garantir a asistencia sanitaria nas zonas limítrofes das dúas comunidades e reducir os tempos de atención.
O conselleiro de Sanidade sinalou que a sinatura deste acordo é a expresión clara da responsabilidade compartida á hora de garantir unha atención sanitaria de calidade, eficiente e accesible para a veciñanza, independentemente da súa localización xeográfica. Referiu que este acordo é o inicio dun camiño de colaboración sanitaria que Galicia e Asturias agardan ampliar no futuro para chegar a máis xente e a novos ámbitos.
No acto de sinatura estiveron presentes o delegado territorial da Xunta, Javier Arias; a secretaria xeral técnica da Consellería de Sanidade, Natalia Lobato, e o xerente da área sanitaria de Lugo, A Mariña e Monforte de Lemos, Ramón Ares.
Tal e como detallou Gómez Caamaño, para os preto de 50 habitantes de nove núcleos da parroquia dos Coutos, no concello asturiano de Ibias, é unha vantaxe recibir asistencia sanitaria no centro de saúde de Navia de Suarna e no Hospital Universitario Lucus Augusti, reducindo de xeito significativo os tempos de desprazamento e facilitando unha atención próxima, eficaz e humana.
En concreto, este acordo supón reducir o tempo de acceso á atención primaria de 45 a 26 minutos e o acceso hospitalario de case dúas horas a pouco máis dunha, o que, ademais de mellorar a calidade asistencial, alivia ás familias a carga que supoñen os longos desprazamentos.
Gómez Caamaño incidiu en que este acordo inclúe a mobilización coordinada dos servizos de urxencias co obxecto de garantir que ningunha situación crítica quede sen cobertura.
Ademais, grazas á colaboración entre Galicia e Asturias queda asegurado, coa máxima coordinación entre as respectivas centrais de urxencias e emerxencias, o transporte interhospitalario e as derivacións necesarias.
Para acadar unha asistencia sanitaria completa e coas máximas garantías de calidade, o Servizo Galego de Saúde incorporará a información dos novos pacientes ao seu sistema de historia clínica electrónica, que é pioneiro e de referencia en todo o Estado, subliñou o conselleiro.
Colaboración Interterritorial
Gómez Caamaño remarcou que a colaboración interterritorial é un modelo de éxito, posto que Galicia atende pacientes de Castela e León en Valdeorras e Verín, e tamén nas zonas limítrofes con Portugal, por medio do acordo do Instituto Nacional de Emerxencia Médica.
O máximo responsable do Servizo Galego de Saúde agradeceu a boa disposición do Principado de Asturias para chegar a esta colaboración e puxo en valor o traballo da alcaldesa de Ibias, quen perseguiu este acordo en defensa da sua veciñanza.
Gómez Caamaño rematou a súa intervención reafirmando o compromiso da Xunta de traballar man a man coas comunidades veciñas para seguir construíndo unha sanidade pública exemplar, solidaria e aberta.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
