Ribadeo, 19 de decembro de 2024. Ribadeo contará no 2025 cun orzamento de máis de 13 millóns de euros. Nas contas destaca a partida destinada a gasto social, segundo deu a coñecer nesta xornada a concelleira de Facenda, Begoña Sanjurjo.
A edil de Facenda contou que “o Concello de Ribadeo está a punto de aprobar os orzamentos, e o noso Concello será, un ano máis, un dos primeiros da Mariña en facelo. O orzamento ascende no 2025 a máis de 13 millóns de euros, 700.000 máis que o do ano pasado”.
Sanjurjo explicou que “igual que no do ano anterior destaca o gasto social, con 1.200.000€ invertidos no SAF (Servizo de Axuda no Fogar). Tamén se ampliaron as subvencións nominativas neste eido incluíndo unha achega ó Proxecto Home. No apartado de cultura aumentouse a colaboración coas distintas asociacións de veciños, organizadoras das actividades culturais e os festexos das parroquias e barrios”.
A concelleira ribadense subliñou que “é un orzamento continuísta no que atoparemos a estabilización de servizos a través de contratos, como se debería facer sempre. Neste ano, grazas á xestión coa Consellería de Benestar conseguimos a achega de 700.000€ para a reforma do Hospital asilo e así púidose finiquitar o préstamo que se pedira. En moitos casos, cando se pide unha subvención para unha obra a unha administración, o Concello ten que ter a capacidade de poñer a porcentaxe que lle corresponde senón perde a subvención, e por tanto a obra. Para dispoñer deses cartos pediuse un préstamo que asegurará moitas obras que están proxectadas”.
Begoña Sanjurjo engadiu: “agradecemos a colaboración da Xunta que no anexo de inversións aporta máis de 1 millón de euros. Gustaríanos que a Deputación aportara tamén para poder facer proxectos entre as tres administracións como por exemplo o Plan de Deporte”.
O pleno extraordinario no que se aprobará o orzamento de 2025 está convocado para mañá, 20 de decembro, ás 19:30 horas no Concello de Ribadeo.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
