Con esta medida, o goberno local pretende incrementar a seguridade de todos os usuarios e usuarias da vía, prestando especial atención aos lugares de paso dos peóns
Vilalba, 27 de decembro de 2024. A Concellería de Infraestruturas Urbanas de Vilalba vén de instalar máis de 250 luces led viais en múltiples rúas do casco urbano vilalbés, co obxectivo de incrementar a seguridade de todos os usuarios e usuarias da vía, prestando especial atención aos lugares de paso dos peóns.
O proxecto deu comezo o pasado mes de novembro coa posta en marcha dun plan piloto no cal se instalaron luces led viais en pasos de peóns concretos do casco urbano vilalbés, de tal forma que se puido comprobar o seu correcto funcionamento e a súa pertinencia para, posteriormente, levar a cabo a instalación dos mesmos na principais rúas de Vilalba.
Nesa liña, as novas luces led que advirten aos condutores da existencia dos pasos de peóns para que extremen as súas precaucións, xa foron instaladas en todos os pasos de peóns da Avenida da Terra Chá, á que se suman outras rúas da contorna como a Rúa da Emigración, a Rúa Guitiriz, a Rúa Alcalde Fraga Bello ou a Avenida de Lugo, entre outras.
En canto ao funcionamento dos dispositivos, trátase de luces led recargables con placa fotovoltaica que se activan de forma automática na escuridade e serven para sinalizar os pasos de peóns, tanto para os condutores como para os demais usuarios e usuarias da vía.
“É unha iniciativa coa que dende o goberno local ratificamos o noso compromiso coa seguridade vial, pois súmase ao recente repintado de pasos de peóns levado a cabo ao longo de todo o casco urbano”, salientou a alcaldesa de Vilalba, Marta Rouco, quen engadiu que “as luces led seguirán instalándose de forma progresiva en máis pasos de peóns do casco urbano, incidindo nas zonas que poden resultar máis perigosas, como as próximas ao centro de saúde, a parques e xardíns ou naquelas cunha iluminación ambiental reducida”.
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
