Centros como o de Burela teñen como obxectivo prestar aloxamento, manutención e asistencia psicosocial urxente e primaria, así como outros servizos sociais encamiñados a facilitar a convivencia e integrar na comunidade ás persoas
Burela, 3 de xaneiro de 2025. O delegado do Goberno en Galicia, Pedro Blanco, destacou hoxe en Burela a colaboración dos Concellos para que as persoas migrantes acaden a plena inclusión na Comunidade. Fíxoo durante unha visita ao centro de acollida burelés, xunto á alcaldesa, Carmela López, para coñecer de primeira man as necesidades das persoas que viven alí e dos profesionais da ONG Rescate que os atenden.
Pedro Blanco agradeceu tanto á rexedora como ao persoal humanitario a súa resposta, “á altura dunha emerxencia humanitaria como a que vive España, que permite enchernos de orgullo ao comprobar que vivimos nun país acolledor e cheo de empatía”. O delegado desprazouse a Burela, ao igual que fixera antes en Valga e Santiago de Compostela, entre outros municipios de acollida, para supervisar a correcta situación destas persoas.
“A acollida das persoas migrantres non sería posible sen unha estreita colaboración institucional”, salientou o delegado, quen fixo fincapé no importante labor que realizan tanto os diferentes concellos de acollida galegos como a Xunta de Galicia. “Traballando unidas, todas as administracións dotan de oportunidades para lograr un futuro próspero ás persoas migrantes que chegan a Galicia, garantindo a súa inclusión social”, indicou o delegado.
Así mesmo, lembrou que a meirande parte destas persoas foxen das guerras existentes nos seus países de orixe ou dos cambios no clima que dificultan a vida nas súas terras. “Con exemplos como o de Burela queda claro que Galicia e toda España, como país acolledor e integrador, están dando resposta a través das súas diferentes institucións”, subliñou Pedro Blanco desde o centro de acollida mariñao.
Centros como o de Burela teñen como obxectivo prestar aloxamento, manutención e asistencia psicosocial urxente e primaria, así como outros servizos sociais encamiñados a facilitar a convivencia e integrar na comunidade ás persoas migrantes.
Sen deixar de traballar pola integración social
A estancia en Burela e no resto de Galicia das persoas migrantes baixo a coordinación das diferentes organizacións non gobernamentais dáse de xeito temporal, nos meses nos que se resolve a súa situación administrativa. Deste xeito, as persoas aloxadas temporalmente en Burela chegadas desde as Illas Canarias irán abandonando os centros de acollida conforme poidan traballar e moverse polo territorio libremente, coa súa documentación en regra.
Desde que as persoas migrantes chegan ás Illas Canarias, profesionais especializados desenvolven para elas un completo itinerario segundo as súas necesidades, recursos, formación etc. Xa nos centros de acollida da península, realízase un perfil máis completo de cada persoa para facilitar a súa integración social e laboral. Unha vez chegado ao lugar de acollida nas disatintas comunidades autónomas, finalízase ese itinerario e lévase a cabo un seguimento da evolución persoal e o grao de autonomía adquirido. Ao mesmo tempo, garántese que estas persoas reciban educación e formación segundo as súas necesidades e aptitudes particulares
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
