O investimento ata agora en adquisición, obras, licitacións e proxectos acada os 30M€, dos que 28,6M€ son fondos da Xunta e os 1,39 restantes fondos europeos, que se investirán en 24 das 167 vivendas previstas
Ourense, 10 de xaneiro de 2025. A Xunta vén de licitar hoxe cun orzamento de 8,2M€ a execución das obras de rehabilitación de 8 edificios nos centros históricos de Ourense, Tui, Ribadavia, A Coruña e Viveiro, que permitirán a creación de 25 vivendas públicas. A conselleira de Vivenda e Planificación de Infraestruturas, María M. Allegue, xunto ao delegado territorial da Xunta en Ourense, Manuel Pardo, e o secretario xeral técnico da Consellería, Yago Borrajo, presentou estas actuacións, que se realizan ao abeiro do programa Rexurbe e destacou o investimento de 7,4M€ de fondos propios da Xunta para estas rehabilitacións licitadas hoxe, que recibirán tamén 793.389€ de fondos europeos MRR, o que supón un 9,6% do orzamento.
A conselleira lembrou que, xunto á construción de vivenda de promoción pública e o desenvolvemento de solo para facilitar a construción de vivenda protexida e libre, a rehabilitación de inmobles é outro piar das políticas de vivenda da Xunta. Así, a través do Rexurbe, promove rehabilitacións en centros históricos para logo cualificar as vivendas resultantes como públicas e ofrecelas en alugueiro accesible a persoas inscritas no Rexistro Único de Demandantes de Vivenda. “É un proxecto que ademais de facilitar o acceso á vivenda, axuda a recuperar e dinamizar os centros históricos, e tamén incentiva á iniciativa privada para a recuperación destes conxuntos”, indicou.
María M. Allegue destacou que a Xunta traballa para que as 25 vivendas licitadas hoxe “poidan ser unha realidade” no vindeiro ano 2026, tendo en conta que as empresas poden presentar ofertas ata o 24 de febreiro e o prazo estimado de execución de obra é de 15 meses. En concreto, os inmobles cuxas rehabilitacións se licitan inclúen un edificio en Viveiro, entre as rúas Rosalía de Castro e Fernández Victorio para habilitar 3 vivendas, cun investimento de 1,5M€, dos que 141.355€ son fondos MRR.
En Ribadavia saen a licitación os traballos en 3 edificios para un total de 9 vivendas. Dunha banda, rehabilitarase 1 edificio para 5 vivendas na praza García Boente; cun investimento de 1,7M€, dos que 226.818€ son fondos MRR. E en 2 inmobles en Cervantes e praza San Xoán habilitaranse 2 e 2 vivendas respectivamente, cun orzamento de licitación de 990.892€.
En Tui, as actuacións acometeranse en 1 inmoble para crear 3 vivendas na rúa Bispo Castañón, cun investimento de 1,3M€, dos que 150.000€ corresponden a fondos MRR. Ademais, na Coruña, licítase a rehabilitación de 1 edificio na rúa San Andrés para habilitar 4 vivendas, por 1,3M€.
E os outros 2 inmobles cuxas obras se licitan sitúanse nas rúas Pelaio e na praza Manuel Sueiro de Ourense, nos que se obterán 6 vivendas. No caso deste último edificio habilitaranse 5 vivendas e no da rúa Pelaio 1. O investimento acada 1,9M€, dos que 275.236€ son fondos MRR.
A conselleira explicou que a duración estimada das obras, unha vez adxudicadas, será de 15 meses e aproveitou para destacar as restauracións que se realizarán en Ourense, onde os edificios nos que se actuará están actualmente en ruína e abandono. Na cidade, xa se entregaran con anterioridade outras 5 vivendas procedentes doutras rehabilitacións en 2 inmobles.
María M. Allegue fixo balance do programa Rexurbe en Galicia e indicou que desde a posta en marcha desde proxecto son 94 os inmobles adquiridos pola Administración autonómica, cos que se prevé crear 167 vivendas nos concellos de Ourense, Tui, Mondoñedo, Lugo, Ribadavia, Viveiro, A Coruña, Vilalba, Ferrol, Betanzos e Ribadeo.
Dos citados 94 inmobles, 18 están xa rehabilitados, con 33 vivendas en Ourense, Betanzos, Ferrol, Mondoñedo o Lugo, e outros 10 atópanse e obras na actualidade. O investimento da Xunta ata agora, entre adquisicións, proxectos, obras e licitacións, acada os 30M€, a meirande parte (28,6M€) de fondos da Xunta e o resto (1,39M€) procedentes de fondos europeos MRR, que axudarán a financiar 24 das 167 vivendas previstas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
