A súa voceira, Alba Sinde, explica que non se dispuxo de calefacción porque se esgotou o gas e que o centro médico leva máis dunha semana sen auga quente, “algo intolerable, ao Alcalde fáltalle previsión e capacidade para solucionar os problemas”
Castro de Rei, 22 de xaneiro de 2025. O grupo municipal socialista de Castro de Rei denuncia “dous feitos gravísimos” que poñen de manifesto a falta de previsión e xestión do Alcalde. A súa voceira, Alba Sinde, considera “intolerable que non se dotara a tempo de gas a gardería municipal e que non se solucionara a falta de auga quente no centro de saúde”.
Os socialistas explican que a gardería municipal viuse afectada pola falta de calefacción debido a un atraso na subministración do gas. Esta situación deixou aos nenos e nenas do centro sen a temperatura adecuada en pleno mes de xaneiro, un feito inaceptable que pon en risco o seu benestar e saúde. “Estamos falando de bebés moi pequenos, que precisan de calefacción, non pode chegar un día que por falta de gas non haxa calefacción, é algo que non pode acontecer”, afirma.
Por outra banda, alertan de que o centro de saúde do municipio leva dende, polo menos, a semana pasada sen auga quente, dificultando o normal funcionamento das instalacións e comprometendo a calidade da atención sanitaria que reciben os veciños e veciñas de Castro de Rei.
Desde o Grupo Socialista esixen que o goberno municipal adopte medidas inmediatas para solucionar estas deficiencias. “É urxente garantir que o centro de saúde recupere a subministración de auga quente e que a gardería municipal dispoña dunha calefacción operativa en todo momento. Non hai escusas para unha xestión tan deficiente, especialmente cando está en xogo a calidade de vida e a seguridade dos nosos veciños e veciñas,” subliñou Sinde.
A Agrupación Socialista fai un chamamento á responsabilidade e á transparencia, demandando unha explicación pública por parte do Alcalde sobre as causas destas incidencias e as medidas que se van adoptar para evitar que se repitan no futuro.
“Castro de Rei merece un goberno que estea á altura das necesidades da súa veciñanza, que actúe con previsión e que resolva os problemas con dilixencia. Desde o Grupo Socialista seguiremos traballando e denunciando todas aquelas situacións que supoñan unha merma nos servizos públicos que se ofrecen aos nosos cidadáns”, concluíu Alba Sinde.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
