Foz, 7 de febreiro de 2025. O Concello de Foz presenta o cartel e a programación do Entroido, que inclúe actividades desde o día 15 deste mes ata o 7 de marzo.
A concelleira de Cultura, Inés López Couto, anuncia que “a edición 2025 do Entroido de Foz vén cargada de actividades e eventos. Foz vive a emoción dos días previos aos seus grandes momentos, que teñen o seu culmen no gran desfile, que se celebrará o sábado 1 de marzo. As inscricións para o mesmo abriranse o día 10 de febreiro. O programa deste Entroido comeza coa cea de coroación da Raíña, Coral Rey Oliveros, que recibirá a coroa de Carlota Fernández del Riego, o sábado 15 de febreiro na carpa da rúa Atalaia. A cea que está sendo récord en afluencia, estará amenizada polos djs Alejandro Martínez e Mia Disko. Ese día a partir das 12 da mañá as comparsas de Foz tocarán polas rúas. O xoves 27 de febreiro é xoves de comadres. Pola tarde inaugurarase a exposición dedicada aos pregoeiros deste ano, You e Caxé, dous referentes na realización do plan en Foz. A partir as 21:30 horas a cea de comadres, organizada por Afammer e Amas de casa Virxe do Carme, comezará na Sala Bahía e será amenizada polo grupo Mar de Arousa. Para anotarse nesta cea será necesario contactar nos locais destas asociacións no Centro Social. O venres 28 é o turno das coplas e o pregón, na carpa da rúa Atalaia a partir das 8 da tarde”.
O concelleiro de Xuventude, Ángel Fernández Neira, explica: “traballamos en mellorar todas as medidas de seguridade. Dende a disposición da carpa, con máis saídas de emerxencia, ata a colaboración dos bombeiros do parque comarcal de Barreiros, que terán un dispositivo especial o día da coroación alí. Ademais incrementarase a seguridade privada e os controis de accesos”.
O sábado 1 chega o día grande do Entroido de Foz, o día do desfile. Este ano sufre unha modificación no seu horario, xa que sairá ás 16:30 horas. “Este cambio prodúcese polas peticións dos grupos, para mellorar o funcionamento do desfile”, explica a concelleira de Cultura, que engade: Coma nos últimos anos colocarase un graderío na explanada portuaria, as entradas poderán adquirirse a partir do 20 de febreiro no CENIMA. Este ano os presentadores serán Juan Varela e Pepo Suevos. A partir das 12 da noite comezará o baile do Entroido cos grupos Origen e La Bamba. Á 1.30 horas será a entrega de premios do desfile.
O domingo 2 é o día do baile infantil, no que haberá inchables, xogos e a actuación de La Guagua, para os máis pequenos. Ás 19:30 horas será a entrega de premios das categorías infantís do desfile. Ás 20:30 horas chegará o Touporroutou no salón de actos do colexio Martínez Otero, organizado pola asociación A Pomba do Arco.
O luns 3 o protagonismo é para os farolillos e para a realización do plan. Por todo Foz grupos, individuais e parellas representan o Entroido máis tradicional, para a partir das 23:00 horas desfrutar do baile do farolillo (concurso á 1.00 horas). Antes, na Sala Bahía, a asociación o Feitizo organiza un baile do farolillo infantil, a partir das 17:30 horas.
O martes 4 os protagonistas son os máis pequenos. A asociación de Amas de Casa xunto co Concello organizan un baile infantil, con maxia, xogos e moito máis.
E para despedir o Entroido o día 7 de marzo ás 20:30 horas partirá do Campo da Cabana a comitiva fúnebre que acudirá á Queima. Será na Praza Conde de Fontao e prégase loito rigoroso.
“Traballamos nun programa que abarque todas as idades e no que todo o mundo se sinta parte. O Entroido é dos que viven e o desfrutan. Todas as peñas e participantes levan meses traballando para gozar ao máximo desta festa, facendo pobo e acollendo aos visitantes. Agardamos que sexan unhas datas de ledicia para todos”, finaliza a concelleira de Cultura.
E o alcalde, Fran Cajoto, móstrase “animado ante un novo Entroido, que comezou en novembro coa elección da Raíña e que seguro que vai ser espectacular. Coidaremos ao máximo os detalles, para os que xa levamos tempo traballando e que co engadido da ilusión de todos os participantes, sabemos que redundará nun éxito”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
