María José Gómez explicou que estes proxectos teñen unha repercusión “moi positiva” sobre o tecido social e económico das zonas rurais, mellorando as condicións para crear e manter emprego
Guntín, 8 de febreiro de 2025. A conselleira do Medio Rural, María José Gómez, acompañada pola directora xeral da Axencia Galega de Desenvolvemento Rural, Paz Rodríguez, realizou esta mañá unha visita ao Campo da Feira de Grolos do concello lucense de Guntín, que vén de rematar os seus traballos de mellora e humanización.
A iniciativa foi impulsada polo Grupo de Desenvolvemento Rural (GDR) Comarca de Lugo, que opera nesta contorna, no marco da medida Leader. Neste sentido, a conselleira salientou o traballo levado a cabo polos GDR, aos que definiu como “axentes clave” para a posta en valor do territorio e a execución deste programa europeo, que procura impulsar o desenvolvemento rural a través dunha estratexia participativa, baseada nun enfoque de abaixo cara arriba, garantindo a participación activa dos principais axentes locais.
María José Gómez sinalou que este tipo de actuacións supoñen “un punto de inflexión” para as persoas que viven nas contornas rurais, fomentando a dinamización social da zona ao tratarse dun dos lugares de reunión de referencia para a veciñanza desta localidade.
A conselleira asegurou que estes proxectos teñen unha repercusión “moi positiva” sobre estas zonas rurais, xa que contribúen a mellorar as condicións para crear e manter emprego e á dinamización do tecido socioeconómico, impulsando a súa economía con proxectos de traballo que asentan poboación.
Neste sentido, a Axencia Galega de Desenvolvemento Rural vén de asinar un novo convenio de colaboración cos GDR para a aplicación de Estratexias de Desenvolvemento Local Participativo que conta cun orzamento de 56,9 millóns de euros ata 2027. Deste investimento uns 17,6 millóns de euros destinaranse a gastos de funcionamento dos propios GDR, que poderán dispoñer dos medios humanos e materiais necesarios para desempeñar as súas funcións de dinamización territorial.
Por outra banda, os 39,6 millóns de euros adicionais serán para as operacións a terceiros, que se executarán a través de diferentes liñas de axudas. Así, os GDR poderán impulsar medidas relacionadas con sectores como o agroalimentario, gandeiro, forestal, turístico, ambiental ou do pequeno comercio.
Programa de Desenvolvemento Rural de Galicia 2014-2020
Mentres que o programa Leader estivo incluído no Programa de Desenvolvemento Rural de Galicia 2014-2020 (actualmente enmárcase no Plan Estratéxico da Política Agraria Común 2023-2027) permitiunos aprobar case 1.500 proxectos, consolidar máis de 3.200 empregos e crear 933 novos. Deste xeito, mobilizáronse algo máis de 169 millóns de euros, cunha axuda pública de 77,5 millóns de euros para operacións a terceiros.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
