As celebracións terán lugar entre o 28 de febreiro e o 5 de marzo
Burela, 13 de febreiro de 2025. O Concello de Burela xa ten listo o programa do Entroido 2025, unha cita que cada ano reúne a centos de veciños e veciñas, así como visitantes que se achegan á vila para gozar das celebracións.
O festexo arrancará o venres 28 de febreiro e prolongarase ata o mércores 5 de marzo, cunha programación pensada para todas as idades na que non faltarán obradoiros, desfiles, música e o tradicional Enterro da Sardiña.
Desde o Concello de Burela animan a toda a veciñanza a participar nestas festas e a saír á rúa para “encher o pobo de cor, divrsión e tradición”. A concelleira de Festexos, Patricia Eijo, destaca que teñen preparada !unha programación variada para que todas as persoas, desde os máis pequenos ata os maiores, poidan desfrutar do Entroido en Burela”.
Pola súa parte, a concelleira de Cultura, Lina Gómez, subliña “a importancia de manter e potenciar estas celebracións, que forman parte da nosa identidade e contribúen a dinamizar a vida social e cultural da vila”.
A alcaldesa Carmela López quixo salientar “o traballo de todas as persoas e entidades implicadas na organización para seguir mellorando e facendo que o Entroido de Burela sexa unha cita especial para a nosa xente”.
“O esforzo de traballadores municipais, asociacións, colectivos locais e a veciñanza fai posible que esta festa saia adiante ano tras ano, e desde o Concello queremos agradecerllo”, engadiu.
A programación inclúe actividades como un obradoiro de manualidades, pintacaras infantil, unha gran festa de disfraces con baile, o esperado desfile do domingo, no que este ano repartiranse 4.000 euros en premios: 3.500 € en metálico achegados polo Concello de Burela e 500 € en vales de compra da ACIA.
Ademais, haberá propostas específicas para a rapazada, como un taller de cociña infantil e unha xornada especial con inchables, música e desfiles pensados para os máis pequenos.
A encargada da organización, Begoña Romo, técnica da Aula Gaia, anima a toda a veciñanza a involucrarse na festa: “O Entroido é unha celebración colectiva e canto máis participemos, máis especial será para todos e todas”.
Burela xa está lista para vivir un Entroido inesquecible. Desde o Concello convidan a toda a cidadanía a sumarse e gozar dunha das festas máis animadas do ano.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
