A deputada Patricia Otero criticou na Mariña que “se as bonificacións do 80 % nas peaxes de acceso á rede para as electrointensivas non están hoxe vixentes é por culpa do PP”
Foz, 14 de febreiro de 2025. O senador César Mogo e a deputada Patricia Otero fixeron hoxe balance na Mariña, acompañados polo alcalde de Foz, Francisco Cajoto, das últimas iniciativas do Goberno que afectan á comarca. Tamén do bloqueo sistemático do PP no Parlamento a medidas que melloran os servizos públicos, as condicións de vida da cidadanía e o desenvolvemento económico.
Especial mención fixo Otero sobre os efectos da negativa dos populares a apoiar o decreto que o Goberno someteu a votación no Congreso o pasado 23 de xaneiro, aínda que moitas das medidas que os de Feijoo trataron de tombar saíron adiante esta semana por mor do traballo dos socialistas para acadar acordos á marxe da alianza de dereita e ultradereita. No que afecta de xeito directo á comarca da Mariña, a deputada no Congreso recriminoulle ao PP que coa súa negativa fixera decaer as bonificacións do 80 % ás empresas electrointensivas no referido ás peaxes de acceso á rede. “O que fan é un paripé, porque din que defenden Alcoa e o mantemen dos postos de traballo e despois votan en contra das axudas que puxo en marcha o Goberno socialista”.
“Se esas bonificacións do 80 % nas peaxes de acceso á rede para as electrointensivas non están hoxe vixentes é por culpa do PP”, remarcou Otero. “Votaron contra Alcoa e contra os postos de traballo”, resumiu. Pola contra, o Executivo central “traballa a prol da industria electrointensiva da comarca aumentando as axudas para compensar as emisións de CO2”, que pasaron de 300 millóns no 2024 a 600 no 2025, mentres que cando gobernaba o PP eran de só 6 millóns.
“Cumprimos a nosa palabra”, afirmou a parlamentaria socialista para poñer en valor a aprobación, este mércores, da revalorización das pensións conforme ao IPC, da suba do salario mínimo ou a continuidade dos bonos gratuítos de transporte, entre outras medidas.
O alcalde de Foz valorou, pola súa banda, o impulso que o Goberno lle acaba de dar a autovía A-74 coa exposición pública do proxecto para o tramo entre Barreiros e O Carme. “É unha moi boa nova”, dixo Francisco Cajoto sobre unha infraestrutura “fundamental” para a comarca. O rexedor demandou que agora a Xunta estea “á altura” e desbloquee a vía de alta capacidade (VAC) Costa Norte, logo de sucesivos gobernos do PP sen ningún avance nun trazado que debe darlle continuidade á autovía do Estado e conectar a zona norte da provincia lucense con Ferrol.
César Mogo criticou que esta semana os senadores do PP por Lugo intentasen “enredar” sobre cuestións que afectan á provincia, como Alcoa ou Altri, para tratar de converter a Cámara Alta “na caixa de resonancia dos intereses do PP e non dos veciños e veciñas de Lugo”. Pero, ao contrario do que pretendían “o señor Balseiro e o señor Barreiro foron a por lá e saíron trasquilados”, afirmou o senador, xa que o Goberno puxo de manifesto o seu compromiso con Alcoa e os “deberes” da Xunta, e no caso de Altri demostrou que a súa posición “é exactamente a mesma que a do PSdeG”.
“A cidadanía de Viveiro votou maioritariamente progresista”
“É o mesmo PP que esta semana votou contra a utilización do galego nas institucións, o mesmo PP que votou contra as electrointensivas poñendo en risco a viabilidade de Alcoa, o mesmo PP que vota en contra da suba das pensións… O mesmo PP que leva 20 anos afogando a Viveiro sen facer a variante”, enumerou Mogo, que cualificou de “sorprendente e incomprensible” que un partido que concorreu ás eleccións como unha forza polítca progresista, “e que se dirixiu aos electores progresistas”, estea agora estudando darlles a alcaldía de Viveiro aos populares.
O senador, que lle trasladou á alcaldesa, María Loureiro, “todo o apoio do Partido Socialista e de todos e todas os socialistas lucenses”, lembrou que “a cidadanía de Viveiro votou maioritariamente progresista” no 2023, non para que a súa papeleta sirva para que goberne o PP. Por ese motivo, chamou á “coherencia e ao sentido común”. O contrario, asegurou, sería “un engano” tanto á veciñanza como aos propios integrantes de Por Viveiro, que, de pactar cos populares, acabaría “escaldados”, tal como están a demostrar as primeiras baixas de afiliados.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
