Cervo, 15 de febreiro, 2025. A administración local contribuíu con 60.000 euros, nunha obra que supuxo a renovación da cuberta, e a mellora da accesibilidade e da seguridade coa instalación dunha nova varanda de aceiro inoxidable
A alcaldesa, a edil de Obras, e o concelleiro de Zona Rural, estiveron vendo os traballos con membros da asociación que xestiona o inmoble no que organizan diferentes actividades lúdico-culturais.
O Concello de Cervo colaborou coa asociación de veciños Nosa Señora de Lieiro, na mellora integral do local social da parroquia cunha aportación de preto de 60.000 euros, que supuxo a renovación integral da cuberta, coa substitución dos canos e baixantes; e tamén a mellora da accesibilidade e da seguridade, coa instalación dunha nova varanda de aceiro inoxidable. Ademais tamén se fixeron traballos de reparación e de saneamento da contorna.
A alcaldesa, Dolores García Caramés, o concelleiro de Zona Rural, Adrián Arias, e a edil de Obras, Mali Méndez, achegárse ata as instalacións para ver in situ o resultado dos traballos acompañados por membros da asociación de veciños que xestiona o local.
A rexedora explicou que esta actuación non é só unha partida orzamentaria, é un compromiso coas persoas que fan posible que este espazo se encha de vida e de dinamismo, con dedicación e esforzo “convertendo este lugar nun referente de participación social ao longo de todo o ano”.
Seguimos traballando nunha aposta por favorecer o asociacionismo –engadiu- e con obras como esta tamén contribuímos a crear espazos máis acolledores, funcionais e seguros para seguir enchendo de actividade o noso municipio.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
