José Tomé Roca destacou na Asemblea Xeral celebrada en Viana do Castelo este martes que coa adhesión da capital chairega serán cinco as entidades membro da provincia que forman parte deste organismo de cooperación transfronteiriza entre Galicia e Portugal
Lugo, 18 de febreiro de 2025. O Presidente da Deputación de Lugo, José Tomé Roca, reivindicou o peso da provincia no Eixo Atlántico tras a incorporación de Vilalba, aprobada este martes na Asemblea Xeral celebrada no Monte de Santa Luzia da cidade portuguesa de Viana do Castelo. Coa adhesión da capital chairega serán cinco as entidades membro da provincia que formen parte deste organismo de cooperación transfronteiriza entre Galicia e norte de Portugal: os concellos de Monforte de Lemos, Sarria, Lugo e Vilalba e tamén a Deputación.
“Xa somos a segunda provincia de Galicia, despois da Coruña, con máis peso específico no Eixo Atlántico, o que reflicte a implicación do noso territorio na construción dun espazo común en ámbitos tan relevantes como o desenvolvemento económico, o turismo, a mobilidade, a cultura ou a sustentabilidade”, valorou Tomé Roca. Un aumento de peso que cualificou de “importante” no que ten que ver co “reforzo da posición de Lugo dentro da Eurorrexión, facilitando o acceso a proxectos europeos, redes de colaboración e estratexias conxuntas que favorecen o crecemento e a competitividade do territorio”.
Xunto ao mandatario provincial participaron neste encontro a Alcaldesa de Lugo, Paula Alvarellos, e a de Vilalba, Marta Rouco, que tamén asistiron onte nos actos inaugurais da VIII Capital da Cultura do Eixo Atlántico 2025 que este ano é precisamente Viana do Castelo, collendo o relevo da capital lucense.
Á reunión asistiron alcaldes e representantes das 38 entidades galegas e portuguesas que conforman desde hoxe este organismo, tras a incorporación das vilas de Vilalba e de Betanzos, co obxectivo de facer balance do último ano, aprobar o programa para a anualidade 2025, que contará cun orzamento de 5,09M€ parte a mellorar a resiliencia das cidades e a sustentabilidade do territorio. Na cita deron tamén luz verde a dúas novas liñas temáticas de traballo: buscar o posicionamento da economía circular tamén mediante unha estética diferente a través do movemento da Nova Bauhaus Europea e un cambio de hábitos e desenvolvemento social.
No que ten que ver co programa de actividades aprobado para o 2025, sinalaron na reunión que está marcado polo inicio da nova Comisión Europea, pola situación bélica de Ucraína e Gaza e tamén pola toma de posesión de Trump nos Estados Unidos. A proposta mantén os programas de éxito do Eixo Atlántico que implican un maior protagonismo e participación social por parte das entidades membro e ten previstas actividades no ámbito dos estudos e do coñecemento, da innovación social, da sustentabilidade urbana, da economía, da comunicación e da Unión Europea e Relacións Internacionais..
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
