Antonio Ameijide recorda que dende que José Tomé é presidente da Deputación, o goberno provincial pagou xa 214.539€ á empresa Sermos Galicia, da que Ana Pontón e Olalla Rodil, entre outros cargos nacionalistas, son accionistas
Lugo, 27 de febreiro de 2025. O voceiro provincial popular, Antonio Ameijide, denuncia que PSOE e BNG seguen a financiar empresas participadas por altos cargos nacionalistas, como Ana Pontón ou Olalla Rodil, unha postura que “está fóra de toda ética e que non se debería de permitir”.
Antonio Ameijide explica que PSOE e BNG aprobaron un decreto no que se autoriza o pago de 41.722€ a Nós Diario, empresa pertencente a Sermos Galiza (empresa da que son accionistas, entre outros, Ana Pontón e Olalla Rodil), en concepto da contratación de 129 subscricións en papel (área de Cultura), unha subscrición máis en papel (servizo de publicacións), unha subscrición dixital (rede museística provincial), dúas subscricións en papel (área de Deportes) e outra subscrición en papel (área de Medio Rural).
Para o voceiro provincial “está fóra de lugar” que dende institucións públicas nas que PSOE e BNG gobernan “destinen fondos a empresas das que son accionistas”. “Sempre escoitamos presumir aos membros do BNG da súa transparencia e honestidade, pero non nos parece ético que destinen fondos a empresas das que son accionistas”, sentenciou.
Antonio Ameijide recorda que dende que José Tomé é presidente da Deputación, o goberno provincial pagou xa 214.539€ á empresa Sermos Galicia, da que Ana Pontón e Olalla Rodil, entre outros cargos nacionalistas, son accionistas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
