Joziane de Oliveira participará no Campionato Mundial de Fútbol Sala Feminino en Madrid (foto:Manuel Cao)
Nota de prensa
JOZI DEFENDERÁ A CAMISOLA BRASILEIRA NO MUNDIAL DE MADRID (5-11 DE DECEMBRO)
A meta laranxa Joziane de Oliveira, Jozi, defenferá a camisola brasileira no Campionato Mundial de Fútbol Sala Feminino de Madrid, que terá lugar entre o 5 e o 11 de decembro.
A burelista deberá presentarse en Fortaleza (Brasil) o 25 de novembro; xunto a ela, o técnico Vander Iacovino convocou a outra brasileira da División de Honra, Ju Delgado, do Móstoles FSF.
Esta é a segunda tempada deportiva da gardameta en España e no Burela FSF Pescados Rubén. Co número 1 da Selección Brasileira de Fútbol Sala no seu poder dende 2005, Jozi foi convocada en seis ocasións pola ‘canarinha’, ademais de ser reclamada pola selección de fútbol outras cinco veces; a última concentración da porteira burelista co seu combinado foi no pasado mes de xullo, como preparatorio para o campionato madrileño.
Galicia Sub-19. Os burelistas Manuel Jiménez e Juan Quiroga comezarán os adestramentos coa Selección Galega Sub-19 o vindeiro luns, 15 de novembro; será no pavillón compostelán de Roxos, a partir das 18.30 horas. Completan a lista de convocados Antonio Diz, Diego Núñez e Ángel Trabada, do Azkar Lugo; Sergio Catelao, David Pazos e Marcos Fernández, do Autos Lobelle; Rubén Cabada, do Parrulo FS; Bruno Abalde, do Coruxo FS; Ricardo Arcay, do Troula FS; Jorge Pérez, do Muebles Caloto; e Adrián Roma, Antonio Rodríguez e Rodrigo Blanco, do AD FS Bueu.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
