O uso da biomasa pola industria da celulosa aumenta en lugar de reducir as emisións, ademais de alimentar a desaparación dos bosques naturais europeos
Compostela, 21 de marzo, 2025. Un informe lanzado hoxe por Biofuelwatch, Environmental Paper Network, Ecoloxistas en Acción e Montescola cuestiona o modelo de producción enerxético a partir de biomasa do proxecto de Altri en Palas de Rei, que replica un sistema que cada ano extrae 2,4 millóns de toneladas de madeira primaria e non biomasa residual. O informe, cuxa versión pública se lanzou hoxe, día internacional dos bosques, revela que, lonxe de reducir emisións, o modelo actual de uso de biomasa por estas industrias incrméntaas exponecialmente.
Os cálculos presentados indican que Altri empregaría até 700.000 toneladas de madeira primaria (non residual) para alimentar a súa planta de xeración enerxética con biomasa. En termos xerais da industria da celulosa e fibra no Estado, estímase que por cada tonelada de pasta de papel producida se incinera un metro cúbico de madeira para producción de enerxía.
Para Ecoloxistas en Acción, estas cifras revelan que “lonxe de de tratarse dun uso da biomasa sustentábel, eficiente e de baixas emisións, o aumento da capacidade de xeración con biomasa en plantas como a proposta por Altri só fai que aumente o ritmo de extracción, o aumento das emisións de carbono, e a reducción dos sumideiros de carbono existentes”, afirma Cristóbal López, voceiro da organización.
Por iso o informe, cuxa versión íntegra foi remitida á Comisión Europea, axencias comunitarias e Goberno español, recomenda poñer fin ás axudas públicas que incentivan este tipo de proxectos, crear un rexistro transparente das cadeas de suministro de biomasa para as plantas de celulosa e abordar a xigantesca demanda enerxética do sector centrándonos na reducción da producción e demanda en vez de aumentar a xeración.
O informe forma parte dunha investigación a nivel europeo liderada por Biofuelwatch e Environmental Paper Network, que tamén aprofundou nos casos de Portugal, Finlandia, Suecia e Alemaña, mostrando que cada ano se incineran 45 millóns de metros cúbicos de madeira da UE en plantas de producción de celulosa. Isto implica que a industria da celulosa é responsábel pola queima do 17% da biomasa de madeira primaria na UE.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
