Navia, 14 de abril de 2025. O Concello de Navia aprobou un plan de actuación para a renovación e mellora de diversos parques infantís e biosaudables do concello, co obxectivo de garantir espazos seguros, accesibles e adecuados tanto para a infancia como para as persoas adultas. Estas intervencións supoñen un investimento próximo aos 35.000 euros e levarán a cabo en varias localidades do municipio.
En Porto de Vega acometerase a restauración de varios equipos biosaudables mediante traballos de lixado, reparación e pintura, ademais da substitución dunha randeeira. Así mesmo, renovarase o valado da zona de xogos infantís e instalarase unha malla de protección tras a portería para mellorar a seguridade na área.
No núcleo urbano de Navia, o parque biosaudable contará coa reparación dos seus elementos e a substitución doutros tres por equipos actualizados que cumpren coa normativa vixente.
Dentro das actuacións previstas, inclúese a creación dun novo parque infantil na rúa Joaquín Rodríguez Loredo, onde se instalará un conxunto modular con forma de avión, fabricado con materiais duradeiros e resistentes. A área contará cun novo chan continuo de seguridade que cumpre cos requisitos técnicos establecidos para zonas de xogos.
En Andés, o plan contempla a instalación dunha nova varanda metálica perimetral no parque infantil, ademais da restauración completa da randeeira e a torre tobogán existentes, mediante o tratamento das súas estruturas e a substitución de elementos deteriorados.
Por último, tamén se realizarán traballos de mellora na zona de xogos infantís da praia de Navia, coa restauración de estruturas existentes, substitución de pezas danadas e a aplicación de tratamentos protectores que prolonguen a súa vida útil.
Estas actuacións forman parte dunha estratexia municipal orientada á mellora dos espazos públicos, garantindo contornas seguras e de calidade para o lecer e o benestar da cidadanía.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
