A alcaldesa Mariña Gueimunde amósase preocupada «pola nula inversión nas estradas provinciais do terceiro concello máis importante de Lugo» e «porque non hai novas do millón de euros que o presidente da Deputación prometeu a todos os viveirenses uns días antes da moción de censura»
Viveiro, 28 de abril de 2025. O Concello de Viveiro, transcorrido un mes e medio da moción de censura na que se produciu o relevo no Goberno municipal, pídelle á Deputación Provincial altura de miras institucional. A alcaldesa Mariña Gueimunde manifesta que «pasan as semanas e estamos preocupados pola nula inversión nas estradas provinciais do noso concello, o terceiro máis importante de Lugo». Unha circunstancia que ven acompañada, segundo explica a rexedora, «porque tampouco temos novas do millón de euros que José Tomé, presidente da Deputación, prometeu a todos os viveirenses uns días antes da moción de censura».
A alcaldesa de Viveiro lembra que «María Loureiro, a anterior alcaldesa, é agora asesora adscrita á Presidencia na Deputación. Estamos desexando que demostre a súa capacidade para atraer inversións ao noso Concello. Aínda que, polo de agora, estamos vendo que a súa influencia non é o suficientemente importante para que, cando menos, se anuncien melloras nas estradas provinciais de Viveiro. Moitas desas vías atópanse nun estado deplorable».
Acerca das inversións pendentes, Mariña Gueimunde espera que «o anuncio que José Tomé fixo a mediados de febreiro dun millón de euros por parte da Deputación no noso Concello non fose simplemente unha ferramenta partidista a través dunha administración pública para tentar influír nas negociacións que se estaban levando a cabo de cara á moción de censura do 7 de marzo».
A rexedora recoñece que «nese millón de euros que se prometeu aos nosos veciños non irá a partida das estradas, pero, aínda así, seguimos esperando por eles, porque o presidente da Deputación non aclarou a que catro proxectos facía referencia dentro desa cantidade, pero si que os describiu como actuacións suficientemente importantes».
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
