A alcaldesa Mariña Gueimunde lamenta que o proxecto permanecese paralizado desde o 13 de novembro pola inacción do anterior equipo de Goberno, pese ao requirimento enviado por Augas de Galicia naquela data
Viveiro, 10 de maio de 2025. O Concello de Viveiro levará ao pleno do martes, entre outros asuntos, a expropiación forzosa das parcelas da área da Xunqueira con motivo dun proxecto construtivo de melloras estruturais para minimizar o risco de inundacións no río Fontecova.
Acerca do proxecto de expropiación das parcelas, o 8 de xullo do ano pasado subscribiuse un convenio de colaboración entre o Concello de Viveiro, Augas de Galicia e a Deputación Provincial para a redacción dun proxecto no que o Concello debería expropiar e ceder as parcelas dos terreos afectados. Sen embargo, as actuacións paralizáronse.
A alcaldesa Mariña Gueimunde explica que «cando cheguei a alcaldía, o 14 de marzo, recibimos un expediente de Augas de Galicia no que se nos lembraba que non se fixeran as expropiacións demandadas e que, desde o 13 de novembro, o Concello de Viveiro non fixera nada referente ao proxecto Melloras estruturais para a reducción do risco de inundación da ARPSI fluvial ES014-LU-170101 Río Fontecova. Viveiro (Lugo)».
O 13 de novembro, Augas de Galicia requirira ao Concello de Viveiro que remitise o certificado do pleno do Concello no que se adoitaran a conformidade co proxecto da obra e o compromiso de recibir as obras e asumir o seu mantemento e conservación; tamén, a certificación acreditativa da dispoñibilidade dos terreos que o Concello poría a disposición de Augas de Galicia para a súa expropiación, e a certificación acreditativa do resultado do proceso de información pública e, no seu caso, do informe da contestación ás alegacións presentadas. Pero o anterior equipo de Goberno non enviou a documentación solicitada.
Mariña Gueimunde sinalou que «entendemos que, cando chegou esa reclamación do 13 de novembro, o proxecto quedou aparcado. O 14 de marzo, catro meses máis tarde, nós retomámolo». Despois, «dilatamos o pleno unha semana para poder chegar a acordos. Do contrario, corremos o risco de que as obras non se poidan executar en tempo en forma e, incluso, poderíamos perder a subvención, polo que quedaríamos sen fondos propios e da Xunta para acometer a obra», expuxo.
O acordo, que ten vixencia ata finais de 2026, conta cun orzamento de preto dun millón de euros e está cofinanciado con fondos da UE a través do Plan de Recuperación, Transformación e Resiliencia NextGeneration. Entre 2024 e 2026, Augas de Galicia aportaría 600.000 euros, mentres que a Deputación e o Concello de Viveiro porían cadansúa partida de 193.348,73 euros.
A rexedora lamenta que «o Goberno do PSOE e o BNG deixase no caixón un proxecto tan importante como este, porque hai que lembrar que en 2018, cando se produciron as inundacións, faleceu unha persoa». «Nós temos que traballar e centrarnos no que é realmente importante para os veciños e veciñas de Viveiro, e non falar doutros temas que agora mesmo non son prioritarios», manifestou Mariña Gueimunde.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
