A deputada Sonia Vidal reclama accións concretas, financiamento real e apoio técnico para salvar a Faba de Lourenzá da desaparición
Santiago de Compostela, 16 de maio de 2025. A deputada do Bloque Nacionalista Galego, Sonia Vidal, denunciou na Comisión 7ª de Agricultura, Alimentación, Gandaría e Montes, a situación crítica que atravesa o cultivo da Faba de Lourenzá, un produto con Indicación Xeográfica Protexida (IXP) e alto valor agronómico e cultural, que “leva anos soportando perdas económicas sen que a Xunta activase medidas estruturais nin inmediatas”.
Segundo explicou Vidal, o sector vive “un momento límite”, con campañas consecutivas arruinadas por pragas, fenómenos meteorolóxicos extremos e falta de ferramentas fitosanitarias eficaces. “Estamos falando dunha perda do 80% da colleita no ano 2023 e dunha campaña 2024 devastada pola borrasca ‘Kirk’ que deixou sen recoller o 90% da produción”, sinalou.
A deputada nacionalista acusou á Xunta de vivir de titulares: “Non máis notas de prensa, non máis anuncios sen orzamento, non máis promesas sen execución. Mentres vostedes sacan fotos, as labregas e labregos están a piques de abandonar o cultivo porque non poden asumir outro ano de perdas”.
Durante a súa intervención, Sonia Vidal exixiu axudas directas reais e inmediatas, non “promesas sen publicar no DOG”. Tamén un plan de adaptación ao cambio climático con apoio técnico e revisión do catálogo de fitosanitarios, así como reforzar os medios e do persoal do Centro de Formación e Experimentación Agraria Pedro Murias e un plan de promoción coherente, “porque non se pode defender unha IXP sen garantir antes que se poida producir”.
Vidal advertiu de que “se esta campaña volve fracasar, moitas produtoras abandonarán definitivamente, e entón xa poden gastar o que queiran en campañas de promoción: non haberá faba que vender, nin Indicación Xeográfica que manter”.
Para o BNG, a Faba de Lourenzá representa “non só un motor económico para A Mariña, senón un símbolo da identidade produtiva galega”. Por iso, instan ao goberno do PP a abandonar “a política do fume e do titular” e activar xa medidas concretas con prazos e orzamento. “Ou hai futuro para o rural, ou Galiza queda baleira”, concluíu.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
