Ribadeo, 11 de xuño de 2025. Acisa e a Escola Oficial de Idiomas de Ribadeo uníronse de novo para levar a cabo un novo proxecto de formación en inglés destinado ao persoal de comercio e hostalaría.
A presidenta de Acisa, Carmen Cruzado, contou que “hoxe vimos de presentar un novo proxecto que nos parece moi interesante, facémolo da man da Escola Oficial de Idiomas de Ribadeo coa finalidade de ofrecer a todos os traballadores e traballadoras do comercio e da hostalaría a realización dun curso de inglés específico para todos eles. O que pretendemos é seguir a traballar no servizo de formación que ofrece a nosa entidade. Trátase de facilitar formación en idiomas dun xeito práctico e adaptado ao vocabulario mais necesario para os profesionais destes dous grandes sectores económicos, cubrindo así unha demanda que vimos observando dende hai anos”.
Cruzado Iglesias subliñou que “Ribadeo recibe cada ano a máis turistas chegados desde outros países, a maioría deles falan inglés e pensamos que sería moi bo que cando van a un bar, a un restaurante, a un hotel ou a un comercio se poidan comunicar con nós nesa lingua, dunha forma sinxela. O turismo estranxeiro vai a máis e nós debemos estar preparados para recibilo e para poder desenvolvernos do mellor xeito posible. Cantos mellores sexan os servizos que ofrecemos desde Ribadeo e desde os nosos negocios, mellor será para todas e todos. Iso redundará na boa imaxe que ofrezamos de Ribadeo e do seu tecido empresarial ao resto do mundo”.
O xerente de Acisa, Jesús Pérez, indicou que “este novo curso celebrarase os venres de 9:30 a 10:30 horas de setembro a maio. Os contidos que se impartirán estarán relacionados coas transaccións diarias nun establecemento, saudar e despedirse, dirixirse a alguén, describir un produto, dar e pedir información sobre tallas, prezos, pratos, menús, alérxenos, horarios, reservas telefónicas, mails, dar indicacións básicas os turistas sobre direccións ou destinos…. operacións de cobro en inglés”.
Pérez Prada engadiu: “búscase dar unha formación práctica e accesible a todo o mundo, cun horario que creemos que é bo tanto para hostalaría como para comercio, con prácticas orais con enfoque comunicativo, aula virtual de apoio, actividades e simulacións en comercios e restaurantes, e presenza de auxiliar de conversación nativo nas clases”.
A directora da EOI, Paloma Galán comentou que “para inscribirse solo hai que presentar o DNI, o impreso de matricula e aboar unicamente as taxas correspondentes. O prazo de matricula está aberto desde este pasado luns ata o 21 de xullo e no caso de quedar vacantes reabrirase de novo do 1 ao 19 de setembro. O custe é de 45 euros todo o curso mais 35 euros de apertura de expediente (de non ter estado nunca matriculados na EOI). As persoas interesadas poden obter toda a información necesaria ou consultar calquera dubida na seguinte páxina web da EOI de Ribadeo https://www.edu.xunta.gal/centros/eoiribadeo/, escribir á seguinte dirección de correo electrónico eoi.ribadeo@edu.xunta.gal ou chamar ao teléfono 982 129 657”.
E destacou que “é importante destacar que este curso está aberto a todo o mundo, a calquera persoa que estea traballando nalgún comercio, bar, restaurante, hotel… O que teñen que saber é que o temario estará completamente dirixido a facilitar os coñecementos necesarios para desenvolverse con maior soltura en inglés nos seus postos de traballo, tanto do sector comercial, do hostaleiro como tamén dos servizos”.
A iniciativa foi presentada por Paloma Galán, Carmen Cruzado e Jesús Pérez.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
