A iniciativa terá lugar o luns 16 de xuño e desenvolverase na piscina municipal e na Praia da Caosa
Cervo, 11 de xuño, 2025. O Concello de Cervo colabora co IES Marqués de Sargadelos na organización dunha nova actividade extraescolar centrada no achegamento ao mergullo deportivo. Trátase dun curso de bautismo de mergullo, que terá lugar o vindeiro luns e que permitirá ao alumnado de 4º da ESO iniciarse nesta práctica.
A xornada comezará pola mañá na piscina municipal, onde os participantes recibirán unha formación teórica e práctica inicial. Xa pola tarde, a experiencia completarase coa práctica en augas abertas, na contorna natural da Praia da Caosa.
A alcaldesa de Cervo, Dolores García Caramés, achegouse ao centro educativo para participar na presentación da actividade e destacou “a importancia de ofrecer oportunidades para que a mocidade explore novas disciplinas, sobre todo aquelas que poñen en valor o noso entorno natural e fomentan hábitos saudables”.
Caramés subliñou tamén o compromiso do Concello co deporte e coa educación: “Esta iniciativa é un exemplo do que queremos seguir facendo: colaborar estreitamente cos centros educativos para ofrecer experiencias enriquecedoras que vaian máis alá das aulas”.
Son actividades-engadiu- que axudan ademais a motivar o alumnado, a descubrir vocacións e a crear vínculos co medio mariño, co que tanto nos identificamos.
O curso será impartido por persoal especializado e conta con todas as medidas de seguridade necesarias. Trátase dunha actividade voluntaria e gratuíta, financiada polo Concello de Cervo no marco do seu apoio á educación e á promoción do deporte entre a xuventude.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
