O voceiro popular critica que tivesen que pasar máis de 48 horas para que o presidente da Deputación “saíse do escondite e dese algún tipo de valoración” sobre a crise de goberno máis importante da historia do ente provincial, pero non aclarou os motivos nin respondeu á pregunta clave que é “canto nos vai a custar a todos os lucenses este arranxo ao que chegaron os socialistas”
Lugo, 27 de xuño de 2025. “Unha escenificación que non se cre ninguén”. O voceiro provincial popular, Antonio Ameijide, cualificaba así as explicacións dadas a última hora do xoves por José Tomé para, segundo o presidente da Deputación, “pechar un cúmulo de malentendidos”.
Antonio Ameijide incidiu en que “a pantomima” do Grupo Provincial Socialista “non a cre ninguén” e que a realidade é que “estamos ante un presidente esgotado e debilitado”.
Para o popular “esta crise de goberno, a maior da historia da Deputación, pechouse en falso” e por diante hai dous interrogantes, un que responderá o tempo e outro ao que ten que dar resposta José Tomé. “O primeiro é canto tempo pasará antes de que volva a suceder, pero, sobre todo, José Tomé ten que dicirnos a todos os lucenses canto nos custou este ‘arranxo’ porque o que está claro é que nos saíu moi caro”, explicou.
Ameijide critica que “tiveran que pasar máis de 48 horas” para que o presidente provincial dera algún tipo de explicación. “As palabras de Tomé onte recordaron as de días atrás de Pedro Sánchez, xa que ambos coincidiron ao afirmar que non coñecían nada de cada situación”, lamentou.
O voceiro popular insiste en que o de José Tomé “é un proxecto esgotado, finalizado”, e alude a que “Tomé está completamente só, un feito que se demostra en que non pode garantir que todos os membros do seu equipo participen dos plenos ou das xuntanzas dos órganos colexiados”.
Ante esta situación, o voceiro popular afirma que “polo ben de todos os lucenses, Tomé ten que facerse a un lado, porque está claro que non é o presidente que sempre di, o que trouxo a unidade e a tranquilidade á Deputación, é un presidente incendiario que non é capaz nin de seguir os consellos que se permite o luxo de dar aos demais”.
UN PRESIDENTE SOBERBIO E SECTARIO
Antonio Ameijide afonda na idea de que José Tomé “guíase unicamente pola soberbia e o sectarismo” o que o leva a estar moi illado tanto na Deputación como dentro do seu partido. “Non todos os socialistas concordan con Tomé xa que a liña ditatorial que instalou á fronte da Deputación basease en que se eres afín a el accederás a fondos provinciais vía convenio, pero senón eres da súa corda, quedas fóra de todo tipo de axudas”, sinalou.
Ameijide fai esta reflexión recordando como “o municipalismo de amiguetes” de Tomé consiste en repartir convenios a dedo (vía xunta de goberno e por decreto de presidencia) “unicamente para concellos gobernados por PSOE e BNG”, e dentro deses concellos “só mira para aqueles con alcaldes afíns, ignorando tamén a municipios gobernados por socialistas”.
“Ese municipalismo de amiguetes provocou esta situación dentro do goberno da Deputación e queremos saber canto nos custou a todos os lucenses o arranxo ao que chegaron dentro do Grupo Socialista”, insistiu.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
