Nota de prensa
Deputación e Xunta desbloquean a situación da Ponte de Arante, en Ribadeo
– Aceptada a proposta presentada polo organismo provincial, os técnicos redactarán o anteproxecto para que este sexa aprobado en decembro pola comisión de Patrimonio
– Realizado este proceso, a Deputación contratará canto antes as obras para as que habilitou no mes de xuño unha partida de emerxencia dotada con 150.000 euros
– O Deputado de Infraestruturas subliña que “é unha infraestrutura pola que os veciños non podían estar agardando tantos meses. A Deputación o que quere e o que quixo sempre é dar unha solución a este problema e comezar canto antes os traballos”
O Deputado de Infraestruturas, Manuel Martínez, o Director Xeral de Patrimonio da Xunta de Galicia, José Manuel Rey Pichel, e o Delegado Territorial deste departamento en Lugo, José Carlos Rodríguez Andina, ademais de técnicos provinciais e autonómicos, mantiveron este martes unha xuntanza na Consellería de Cultura e Turismo para desbloquear a situación na que se atopa a ponte que une as parroquias de A Ponte e de Arante, en Ribadeo, e na que as fortes choivas do temporal de xuño provocaron o seu derrubamento, quedando pechada ó tráfico dende esa data.
Deste xeito, os técnicos provinciais presentaron ós responsables autonómicos unha proposta de como será a nova infraestrutura que construirá a Deputación. Os técnicos de Patrimonio indicáronlle ó departamento territorial que este estudo podería servir como base para a redacción do anteproxecto, que será enviado polo servizo de Vías e Obras ó departamento autonómico no menor posible para que sexa aprobado pola Comisión, nunha reunión prevista para o mes de decembro.
Os técnicos da Dirección Xeral do Patrimonio Cultural tamén detallaron cales deben de ser as características da ponte, os materiais construtivos, as técnicas de construción, etc. Unha vez aprobado o anteproxecto, a Deputación contratará no menor tempo posible as obras para as que habilitou no mes de xuño unha partida de urxencia, dotada con 150.000 euros.
O Deputado de Infraestruturas, Manuel Martínez, subliñou a cordialidade na que se produciu a xuntanza e indicou que “por fin se desbloquea a situación. É unha infraestrutura pola que os veciños non podían estar agardando tantos meses. A Deputación o que quere e o que quixo sempre é dar unha solución a este problema e iniciar canto antes os traballos”.
Pola súa banda, o Director Xeral do Patrimonio Cultural, José Manuel Rey Pichel, asegurou que “esta reunión foi moi construtiva para solucionar canto antes o problema da recuperación desta ponte sen perxudicar os valores patrimoniais históricos deste tramo do Camiño Norte de Santiago”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
