Néstor Rego defende valorar o potencial da liña de ancho métrico como eixo de mobilidade sustentábel e vertebradora entre comarcas do norte da Galiza
Madrid, 15 de xullo de 2025. O deputado do BNG no Congreso, Néstor Rego, vén de rexistrar novas iniciativas para exixir ao Goberno do Estado a modernización integral da liña de ancho métrico da antiga FEVE na Galiza, logo dun novo incidente rexistrado o pasado xoves 10 de xullo co tren turístico Costa Verde Express, que sufriu unha avaría e obrigou a interromper o tráfico ferroviario entre Ferrol e Ortigueira.
Rego denuncia que a incidencia, que tivo lugar pouco despois das 7:30h entre O Barqueiro e Loiba, provocou a paralización do tren turístico nun punto de difícil acceso, o que obrigou a cortar o tráfico ferroviario na liña e habilitar un plan de transporte alternativo por estrada, tanto entre Ortigueira e Ferrol como entre Ortigueira e Viveiro. A situación foi de tal gravidade que os pasaxeiros tiveron que agardar a chegada doutro tren desde Ortigueira para ser trasladados á estación e, posteriormente, desprazados en autobús até Santiago de Compostela.
“Este novo incidente é unha mostra máis do abandono sistemático da liña de ancho métrico, que sofre unha falta total de mantemento, cun material rodante obsoleto e unha infraestrutura que non responde ás necesidades actuais de mobilidade” denuncia Néstor Rego. O deputado nacionalista reclama ao Goberno que afronte de forma decicida a modernización dunha liña fundamental para a vertebración territorial das comarcas da Mariña, Ortegal e Ferrol.
Rego, ante esta situación, require coñecer as causas concretas da incidencia sufrida polo Costa Verde Express e que obrigou a interromper o tráfico ferroviario durante horas. “Débese reverter a tendencia de desmantelamento do servizo ferroviario regular, apostando por trens de proximidade seguros, frecuentes e accesíbeis, e non só polos trens turísticos” salienta.
Neste sentido, o BNG defende impulsar un Plan de modernización da liña de ancho métrico que inclúa renovación de infraestruturas, mellora da seguridade, adquisición de novo material rodante e un cadro de frecuencias axeitado á mobilidade da poboación. En opinión de Néstor Rego, deberíase valorar o potencial da liña de ancho métrico como eixo de mobilidade sustentábel e vertebradora entre comarcas cun importante peso poboacional e económico.
“Non podemos permitir que se condene á veciñanza a un servizo deficiente, irregular e cada vez máis residual. A liña FEVE é fundamental para garantir a cohesión territorial e debe ser tratada como un servizo público esencial” defende Rego.
O deputado nacionalista exixe que o Ministerio de Transportes presente previsións concretas para a posta en valor desta conexión ferroviaria, cun compromiso firme para frear o seu deterioro e poñela ao servizo da cidadanía galega.
“O Goberno debe apostar por manter unha infraestrutura para a mobilidade diaria das persoas na liña do que defende o BNG: un ferrocarril útil, moderno e ao servizo da maioría social” finda Rego.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
