Ribadeo, 18 de xullo de 2025. Rematadas as obras de mellora da rúa Illa Pancha e do Parque de San Miguel.
O alcalde, Dani Vega, explicou que “rematamos as obras da rúa Illa Pancha. Todos eramos coñecedores da situación na que se atopaba. E despois de escoitar aos veciños tomamos a decisión de xestionar o orzamento 100% financiado pola Xunta de Galicia. É unha importante e necesaria obra porque presta un servizo evidentemente a todos os veciños que viven nese entorno e tamén á estación de autobuses. E tiñamos que investir para mellorar todo este entorno, para mellorar evidentemente o pavimento da rúa Illa Pancha. Fixemos unha xestión ante a Xunta de Galicia, unha obra financiada 100 % pola administración autonómica”.
O rexedor contou que tamén están listas as obras do Parque de San Miguel: “e rematamos as obras de mellora do Parque de San Miguel, tamén financiado 100% pola Xunta de Galicia. O que fixemos nesta segunda parte de inversión foi dotar de seguridade todo o perímetro do parque, tamén dotar de equipamento e mellorar o acceso entre a estrada do Cargadeiro co Parque de San Miguel, con esa soleira rematada en pedra. É unha obra tamén de mellora dun entorno público que debemos agora conservar, evidentemente, por parte da administración facer o mantemento, pero tamén como veciños coidar este parque, que é importante para todos. É un parque que está nunha zona idílica, cunhas vistas inmellorables á ría de Ribadeo”.
Vega engadiu: “son zonas que estaban moi deterioradas, moi destrozadas e o que fixemos foi escoitar aos veciños, xestionar o orzamento diante da Xunta de Galicia e agora mellorar con estas obras. Continuamos mellorando espazos de Ribadeo e continuamos xestionando orzamento para que Ribadeo siga avanzando”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
