Viveiro, 26 de xullo de 2025. O Estadio Municipal de Cantarrana acolleu a presentación oficial do partido amistoso que enfrontará este sábado 26 de xullo ao Combinado da Mariña Lucense co Club Deportivo Lugo S.A.D., unha cita deportiva que aspira a converterse nunha auténtica festa do fútbol na comarca.
O acto contou coa presenza da alcaldesa de Viveiro, Mariña Gueimunde; o presidente do Viveiro Club de Fútbol, Luis del Río; e o presidente da Real Federación Galega de Fútbol, Pablo Prieto, quen quixeron poñer en valor a colaboración entre institucións, o apoio ao deporte local e o potencial do turismo deportivo.
Durante a súa intervención, Pablo Prieto destacou que “desde a Federación Galega de Fútbol estamos moi contentos de presentar este partido entre un combinado da Mariña e o CD Lugo, nun campo tan emblemático como Cantarrana, e cunha aposta clara polo fútbol afeccionado e pola colaboración entre administracións”.
Pola súa banda, Luis del Río subliñou que este encontro é “un acto importante para a unión de toda A Mariña, agradecendo tamén a implicación da Xunta de Galicia, do Concello de Viveiro e do CD Lugo, coa vontade de que se poida repetir cada ano”.
A alcaldesa, Mariña Gueimunde, puxo en valor “o compromiso de Viveiro co deporte e co fútbol, así como o papel do turismo deportivo como motor económico e social”. Ademais, agradeceu “o traballo conxunto da Federación, do Viveiro CF e da Xunta de Galicia, que fan posible este tipo de eventos”.
O partido disputarase o sábado 26 de xullo, ás 19:00 horas, no campo de Cantarrana. As entradas teñen un prezo único de 10 euros. O Combinado da Mariña estará dirixido por Pablo Rodríguez e Dani Aíron, mentres que o CD Lugo chega da man de Yago Iglesias.
A iniciativa está organizada pola Real Federación Galega de Fútbol, co apoio da Xunta de Galicia e o Concello de Viveiro, e pretende non só ofrecer un espectáculo deportivo, senón tamén visibilizar o talento da comarca e reforzar os vínculos entre clubs e afección.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
