Cada día que pasa resulta máis evidente a estratexia seguida polo PSOE e o BNG de converter a sanidade pública nun arma da confrontación política partidista co obxecto de obter réditos electorais. Non parece importarlles se os argumentos que empregan neste ataque son falsos e responden á máis vil das manipulacións. O único obxectivo é xerar alarma social, confusión e incerteza nun ámbito tan sensible como é o que afecta á saúde das persoas.
Tras a derrota electoral que levou á oposición ao bipartito, como consecuencia precisamente da súa mala e lesiva xestión dos servizos públicos e, de xeito moi destacado da sanidade pública, escoitamos de todo: Desde que a Xunta quería pechar o hospital e trasladar a toda a xente a Lugo –algo manifestamente falso-, ata que pretendíamos baleirar de competencias ao director xerente, cando en realidade ganaba en autonomía e poder de decisión, incorporando baixo a súa dirección os centros de saúde. Tamén nós insistimos no pasado na necesidade de mellorar o sistema sanitario, pero sempre demostramos as nosas denuncias co respaldo de documentación oficial e datos fidedignos.
Pero sen dúbida, nas últimas semanas o PSOE superou con creces as liñas vermellas do aceptable. Xa non lles vale atacar aos actuais políticos e xestores do SERGAS, agora incluso insultan aos médicos. Denigran a súa profesionalidade e honorabilidade acusándolles de ter un interese económico por dar altas aos doentes. Días despois de coñecer esta grave e falsa acusación seguimos á espera de que o líder dos socialistas Manuel Vázquez se desculpe. Quen chamou corruptos aos profesionais sanitarios, e non rectifica, queda desacreditado como político e como médico. A posición desbocada de Vázquez, moi nervioso ante o prognóstico de malos resultados do PSOE nas vindeiras eleccións municipais, levouno a facer oposición, xa non á Xunta, senón aos médicos, e iso demostra ata que punto están perdidos na actual dirección do PSOE galego.
O servizo público fundamental nunha sociedade é sanidade pública. Por iso desde o Partido Popular e desde a responsabilidade de Goberno da Xunta seguiremos traballando para mellorala, para corrixir os problemas que outros nos deixaron, agochando por exemplo máis de 4.000 doentes sen cita nos caixóns, aos que agora temos que garantir que reciban a asistencia sanitaria debida que antes lles negaron.
Subscribimos ao cen por cen as palabras do Presidente da Xunta na pasada fin de semana, “os mesmos que insultan a dignidade dos médicos do Hospital da Costa son os durante catro anos non meteron un so euro neste centro”. Pola contra desde o PP non insultamos a ninguén, “e agradecemos o seu traballo ao persoal deste Hospital que ten moitos doentes e moitas necesidades que cubrir. Non nos esquecemos deles, e por iso no orzamento do 2011 empezaremos a mellorar, a reformar e a ampliar o Hospital da Costa conforme ao compromiso que adquirimos”.
Jose Manuel Balseiro Orol
Deputado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
