O delegado territorial, Javier Arias, explicou que durante as fins de semana ata o 21 de decembro estes establecementos ofrecen aloxamento e menús elaborados con produtos de tempada a prezos especiais
Monterroso, 23 de setembro de 2025. Un total de 22 casas rurais de Lugo sumáronse á décimo novena edición do programa “Outono gastronómico”, que impulsa a Xunta a través de Turismo de Galicia. O delegado territorial, Javier Arias, visitou hoxe en Monterroso o Pazo de Ludeiro, un dos establecementos adheridos, e explicou que o obxectivo é presentar unha oferta atractiva de calidade que dinamice o turismo rural fóra dos meses de verán.
A campaña estará vixente as fins de semana, de venres a domingo, ata o 21 de decembro, exceptuando a ponte do 6 ao 8 de decembro. Lugo é a provincia que máis establecementos suma a esta iniciativa, seguido da Coruña con 21, Pontevedra con 19 e Ourense con 16.
Os participantes ofrecen prezos especiais en distintas modalidades. En todos os casos haberá dous menús a elixir, exclusivamente concibidos para a ocasión e elaborados con produtos de tempada, moitos deles distinguidos con selos de denominación de orixe ou indicación xeográfica protexida de Galicia.
A maioría engaden paquetes con aloxamento, para unha ou dúas noites, e algúns mesmo experiencias complementarias, como paseos a cabalo, descenso en canoa ou visitas a puntos de interese turístico da contorna.
Arias salientou o éxito desta proposta, que nas 18 edicións anteriores logrou xerar no sector 6,6 millóns de euros grazas á participación de máis de 100.000 persoas. “Ademais cumpre un importante papel como escaparate do noso turismo rural e da nosa gastronomía”, afirmou, “e este ano é especialmente necesaria nas zonas que resultaron máis afectadas polos incendios forestais, para axudarlles a recuperar a actividade económica”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
