O Deputado de Promoción Económica e Social presentou este luns a cita de referencia para o sector que se celebrará o 13 e o 14 de novembro na Facultade de Veterinaria de Lugo
Lugo, 27 de outubro de 2025. O Deputado de Promoción Económica e Social, Pablo Rivera Capón, xunto ao presidente de Seragro, Víctor Manuel Manrique Arroyo, presentou este luns na Sala de Xuntas do Pazo de San Marcos a vixésimo segunda edición das Xornadas Técnicas de Vacún de Leite. Esta cita, de referencia para o sector e organizada por esta entidade, terá lugar o 13 e o 14 de novembro na Facultade de Veterinaria de Lugo. A institución provincial colabora co evento, que reunirá a máis de 700 profesionais -entre gandeiros, técnicos e expertos do sector-, cunha achega económica de 12.000€.
Rivera Capón puxo en valor estas xornadas “porque ofrecen algo que o sector valora especialmente: información rigorosa, formación práctica e visión de futuro”. Nesta liña, destacou a “profunda transformación que está a vivir con novas normativas ambientais, maiores esixencias en materia de benestar, avances tecnolóxicos e unha competencia crecente”.
“O sector primario é estratéxico para o futuro da provincia e cada decisión que tomamos vai orientada a acompañalo e fortalecelo. Facémolo apoiando iniciativas como estas, que fan máis forte o tecido produtivo, e facémolo tamén a través de proxectos propios como a Granxa Gayoso Castro e o Centro Experimental de Leite, que están pensados para aportar innovación, coñecemento, servizos e aforro aos gandeiros e gandeiras da provincia”, resaltou.
Pola súa banda, o presidente de Seragro agradeceu o apoio da institución provincial e destacou que “o obxectivo é promover un foro de convivencia, formación e debate sobre as últimas novidades relacionadas coa gandería de produción de leite e dirixido a todas aquelas persoas que traballan no sector”. Destacou tamén que participarán técnicos de prestixio nacional e internacional.
Programa
13 de novembro
10:00 horas: Inauguración.
10:30 horas: O sector galego: situación actual e transformacións recentes – José Manuel Andrade Calvo, director da Fundación Juana de Vega, A Coruña.
11:00 horas: Principios básicos de ventilación e orientación de naves de recría – Felipe Fraga Martínez, Servizo de Recría de Seragro SCG.
11:30 horas: O comezo define o futuro: enfermidades en idades temperás e a súa pegada permanente – Laura Molina Moreno, profesora asociada na Facultade de Veterinaria de Córdoba.
12:00 horas: Pausa do café.
12:30 horas: A recría en Finca Fonteboa – Sandra Mella Ríos, empregada de Finca Fonteboa, Frades (A Coruña).
13:00 horas: Recría: a base do futuro – Ares Rubies Corrales, auxiliar veterinaria; xestión e formación de persoal na recría na Granxa San José, Huesca.
13:30 horas: Xantar.
15:30 horas: Great People, Great Cows, Great Returns [Grandes persoas, grandes vacas, grandes ganancias] – Jordan T. Masthtews, socio de Rosy Lane Holsteins LLC, Wisconsin (EE. UU.).
16:15 horas: A reprodución en vacas de leite: cando é o mellor momento para inseminar? – Sonia Rodríguez Pazos, Servizo de Reprodución de Seragro SCG.
16:45 horas: Efecto do tipo de muxido no pico de produción e os compoñentes do leite en vacas leiteiras – Liliana Fadul, analista de datos de Lactanet.
17:15 horas: Como optimizar a alimentación en sistemas de muxido robotizado. Claves e consellos para unha xestión eficiente – Miguel Iglesias Naredo, Xefe de Produto Vacún de Leite de Deheus.
17:45 horas: Encontro gandeiro.
14 de novembro
11:00 horas: O marco laboral no sector agrario e gandeiro: da norma á práctica – María Jesús Asorey Cea e Noa García Rey, AUSUM, Asesores e Avogados.
11:30 horas: Caderno de Campo e obrigas medioambientais – Víctor Novo Vázquez, Xefe do Servizo de Sanidade e Produción Vexetal da Consellería do Medio Rural, Xunta de Galicia.
12:00 horas: Revisión de lotes? – Javier Fernández López, Servizo de Podoloxía de Seragro SCG.
12:30 horas: Pausa do café.
13:00 horas: Saúde podal: o cambio de paradigma na prevención – Arturo Gómez, veterinario consultor, integrante do equipo de Investigación e Desenvolvemento de Zinpro.
13:30 horas: Tecnoloxía e intelixencia natural no sector gandeiro – Javier Bueno Lema, profesor titular na Escola Politécnica Superior de Enxeñaría, Campus Terra USC.
14:00 horas: Xantar.
16:00 horas: Gandaría Liste, xestión das forraxes con maquinaria propia – Carlos Liste Pose, socio de Gandaría Liste SL, Trazo (A Coruña).
16:30 horas: Lodos e Pérez, producir forraxes sen maquinaria – Juan Carlos Lodos Pérez, socio de SAT Lodos e Pérez, A Pastoriza (Lugo).
17:00 horas: Intelixencia artificial na granxa: como os datos transforman o sector leiteiro – Pol Lungh Olbols, profesor universitario e investigador, experto independente na Plataforma Benestar Animal do Consello Europeo.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
