O investimento permitirá mellorar a eficiencia e reducir o impacto ambiental das actuacións municipais
Vilalba, 27 de outubro de 2025. O Concello de Vilalba vén de recibir un novo vehículo eléctrico multifunción, que se porá ao servizo das brigadas municipais co obxectivo de mellorar a eficiencia e a calidade dos traballos diarios que se realizan no municipio.
Trátase dun vehículo 100% eléctrico, con emisións cero de CO₂ e sen contaminación sonora, que contribúe á redución do impacto ambiental e á modernización dos medios municipais.
O novo vehículo destaca polas súas múltiples funcionalidades, xa que conta con depósito de auga, rampas de carga, sistema de baleirado tridireccional da caixa e convertidor de enerxía para o uso de ferramentas eléctricas, entre outras características que permitirán ampliar o seu uso a diferentes tarefas de mantemento e servizo público.
O investimento total ascende a 64.275,20 euros, financiado con cargo ao Fondo de Compensación Ambiental.
A alcaldesa, Marta Rouco, subliñou que esta incorporación “é un paso máis na modernización dos medios municipais e na aposta por un modelo de servizo público máis eficiente, sostible e próximo á veciñanza”.
Así mesmo, destacou que “o obxectivo do goberno local é seguir dotando aos servizos municipais de ferramentas que melloren o seu traballo diario e repercutan nunha atención de maior calidade aos veciños e veciñas”.
Esta actuación enmárcase na estratexia do Concello para avanzar cara a unha Vilalba máis moderna, sostible e comprometida co medio ambiente, mellorando ao mesmo tempo a capacidade operativa dos servizos públicos.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
