Foz, 27 de outubro, 2025. A Agrupación Socialista de Foz reuniu recentemente á súa Executiva Local, na que se abordaron as principais necesidades do municipio e se trasladaron diversas propostas ao Goberno Municipal.
Durante o encontro, os membros do PSOE de Foz expresaron a súa preocupación polo actual bloqueo político en materia de vivenda pública pola nula inversión da Xunta de Galicia e o bloqueo á iniciativa de mercar o solar de Vialmar por parte de PP e BNG, acordando co Executivo local acelerar o paso e poñer en marcha novas iniciativas que poidan superar as resistencias políticas e que permitan elaborar un plan co obxectivo principal de facilitar o acceso da veciñanza a unha vivenda digna, especialmente para a xente moza e as familias con menos recursos.
Así mesmo, a Executiva Socialista destacou a importancia de avanzar na construción do parque cuberto, unha infraestrutura moi demandada pola cidadanía e necesaria para mellorar os espazos de lecer e convivencia, especialmente durante os meses de inverno.
Outro dos puntos salientables da reunión foi a necesidade de realizar un potente investimento nas parroquias do municipio e agradecen o apoio do parque de maquinaria da Deputación de Lugo que permitiu durante o mes de setembro e outubro asfaltar distintos camiños en Vilaronte. Nese sentido, o PSOE de Foz subliñou que as parroquias deben contar con servizos e dotacións axeitadas, así como cun mantemento continuado de camiños, alumeado e espazos públicos.
Por último, os socialistas focenses analizaron os distintos mecanismos posibles para implementar unha mellora na limpeza urbana, tanto no casco urbano como nas zonas costeiras e rurais, especialmente despois da execución de distintas obras que están a mellorar a accesibilidade e os servizos en distintas rúas do centro urbano.
“Foz precisa seguir avanzando con paso firme en cuestións que afectan directamente ao benestar das veciñas e veciños. Apostamos por un municipio que non se medre en habitantes ou en renta por habitantes, senón tamén en equilibrio, en servizos de calidade e oportunidades para todas e todos”, sinalaron desde a Executiva local do PSOE.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
