A cita serviu para abordar as principais preocupacións da comarca e reafirmar o compromiso socialista cunha acción política próxima e útil para a veciñanza
Vilalba, 29 de outubro de 2025. O PSdeG-PSOE na provincia de Lugo celebrou este martes en Vilalba a reunión comarcal da Terra Chá, no marco do calendario de encontros iniciado na Mariña, co obxectivo de reforzar a coordinación territorial e escoitar as necesidades das agrupacións locais.
O encontro estivo presidido polo Secretario Xeral na provincia, José Tomé Roca, e pola Vicesecretaria Xeral e Secretaria de Organización, Pilar García Porto, e contou coa participación da coordinadora comarcal, Sonia Verdes, acompañada polas voceiras, voceiros, alcaldes, alcaldesas, e secretarios e secretarias xerais das agrupacións dos concellos de Abadín, Begonte, Castro de Rei, Cospeito, Guitiriz, Muras, A Pastoriza, Vilalba e Xermade.
Durante a sesión analizáronse as principais preocupacións da veciñanza chairega, como a situación sanitaria, o emprego, o despoboamento ou as dificultades de acceso a servizos públicos básicos. Os representantes socialistas coincidiron en sinalar a falta de compromiso da Xunta coa comarca, tanto no eido da atención sanitaria, coa carencia de profesionais e recursos nos centros de saúde, como no da promoción económica, pola ausencia de medidas que garantan emprego estable e oportunidades para a mocidade.
José Tomé Roca destacou que esta reunión “forma parte dun proceso de traballo no que o PSdeG está a visitar cada comarca da provincia para reforzar o contacto directo co territorio e dar voz ás agrupacións locais, que son quen mellor coñecen as necesidades da súa xente”. Engadiu que “estes encontros permítennos coñecer de primeira man as demandas da cidadanía e preparar o partido para seguir gobernando con eficacia e proximidade, consolidando o bo traballo dos gobernos socialistas e ofrecendo alternativas alí onde o PP leva anos sen proxecto nin resultados”.
Pola súa parte, Pilar García Porto puxo en valor o papel da militancia e subliñou que “a forza do PSdeG-PSOE está na súa base, no traballo que se fai dende cada concello, e na capacidade de transformar esa implicación en propostas útiles e realistas para mellorar a vida da cidadanía”.
Esta reunión en Vilalba reafirma o compromiso da dirección provincial do PSdeG-PSOE de construír un proxecto político próximo, participativo e conectado coa realidade das comarcas, que dea resposta ás preocupacións da veciñanza e defenda o futuro da Terra Chá e de toda a provincia de Lugo.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
