Nota de prensa:
O PANIFICADORA CAE AOS POSTOS DE DESCENSO
A derrota local do sábado pasado por 1-4 ante o pontevedrés CDM Bembrive FS e a ampla vitoria a domicilio do Carballiño FS en Castrelo de Miño relegan ás ribadenses aos postos de descenso por primeira vez na súa andaina por Autonómica.
Adiantouse no marcador o Bembrive no minuto 7 e no 12 empatou o Panificadora por mediación de Sofía. Pouco durou a ilusión porque no minuto 15 de novo finalizou o Bembrive.
Na continuación intentábano de novo as ribadenses e afanábanse sobre a portería visitante, pero no minuto 29, as pontevedresas deron ao traste coas esperanzas das mariñás ao encaixar estas o 1-3. Con máis corazón que cabeza o Panificadora continuou no seu empeño pero sen acerto. O seu arriscado ataque deixou flancos na súa defensa, que facilitaron ao Bembrive o 1- 4 (minuto 36) definitivo.
Ficha técnica
Panificadora del Eo-Ribadeo FS: Vanessa, Marta, Iria, Sabela e Fátima (1), cinco inicial; tamén xogaron Sofía (1), Yoli, Arancha e Carla.
CDM Bembrive FS: Nati, Sofía, Gloria, Paola e Andrea (2), cinco inicial; tamén xogaron Raquel, Lara (2), Ana, Celia e Jennifer.
Árbitros: Andrés Saa Ramos e Antón Menéndez Nistal (anotador), da delegación lucense. Expulsaron por dobre amarela a Sofía, do Bembrive, e con vermella directa á porteira local Carla por suxeitar a unha contraria sendo a última xogadora.
Provincial masculina. Nova e axustada vitoria a domicilio do Ribadeo FS, esta vez en Baralla (3-4). Os mariñáns manteñen a segunda praza, a seis puntos do líder, Área 10, e un por encima do Cidade de Viveiro. A próxima fin de semana visitará Ribadeo o Hotel Roma de Sarria, undécimo clasificado con 7 puntos.
Provincial feminina. O Xoula saíu derrotado da súa visita a Lugo. As mozas ribadenses non puideron dobregar ás corpulentas xogadoras do FSF Lucense e acabaron perdendo por 4-1. O próximo enfrontamento, antes do descanso do Nadal, será na Mariña fronte ao potente Guntín FSF.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
